Eris (planeta anano)
Eris (símbolo: 
)[1] é o planeta anano máis masivo (por diante de Plutón), e o segundo de maior tamaño (un pouco menor que Plutón) do noso sistema solar.[2] Foi descuberto por Michael E. Brown, Chad Trujillo e David Rabinowitz o 8 de xaneiro de 2005 a partir dunhas imaxes tomadas o 21 de outubro de 2003. Ten un único satélite natural ó que se lle deu o nome de Disnomia.[3]
Historia e características
[editar | editar a fonte]Durante algo máis dun ano este corpo celeste foi considerado como o décimo planeta do sistema solar polos seus descubridores, pero actualmente, segundo as estimacións da Unión Astronómica Internacional (UAI) na súa sesión do 24 de agosto de 2006, é considerado un planeta anano (xunto a Plutón e Ceres), unha nova categoría creada na devandita sesión.
Antes de que o 13 de setembro de 2006 se lle outorgase o seu nomeamento definitivo era coñecido co nome provisional de 2003 UB313.
Órbita
[editar | editar a fonte]Eris presenta un período orbital duns 560 anos (tarda 560 anos en completar o seu movemento de translación) e arestora[cando?] atópase á máxima distancia posible do Sol (afelio), a unhas 97 unidades astronómicas (UA) da Terra (14.400 millóns de quilómetros). Do mesmo xeito que Plutón, a súa órbita é moi excéntrica (chega a unhas 35 UA do Sol durante o perihelio) e ó contrario dos planetas telúricos e dos xigantes gasosos, a órbita de Eris está inclinada uns 44° respecto á eclíptica.
É un dos corpos do sistema solar máis brillante e a responsable de que non se tiveran datos sobre a súa existencia ata hai ben pouco é a inclinación da súa órbita, pois normalmente a maioría das buscas concéntranse no plano da eclíptica, onde se agrupa a maioría da materia do sistema solar.
Tamaño e masa
[editar | editar a fonte]
Segundo observacións do telescopio Hubble e do Observatorio Keck, o diámetro de Eris sería de 2.398 km (±96 km), o que indicaría un tamaño case igual que o de Plutón. Porén, de acordo con observacións e medicións máis recentes e fiables, ten un tamaño un pouco menor: Plutón ten un diámetro de aproximadamente 2.377 km, mentres que Eris ten un diámetro estimado en ao redor de 2.326 km.[4]
A masa de Eris é de 1,66x1022 kg polo que é un pouco máis masivo e máis denso que Plutón.[4]
Satélite
[editar | editar a fonte]Disnomia é o único satélite de Eris.
Preséntase no espazo como un punto 60 veces menos luminoso que Eris polo que, se asumimos que os dous corpos presentan o mesmo albedo, o diámetro de Disnomia pode ser duns 350 km, oito veces máis pequeno que Eris.
O seu período orbital é de 14 días.
Notas
- ↑ JPL/NASA (2015-04-22). "What is a Dwarf Planet?". Jet Propulsion Laboratory. Consultado o 2022-01-19.
- ↑ Astrosigma. "Eris, el planeta enano más masivo". Astrosigma (en castelán). Consultado o 2024-07-04.
- ↑ "The discovery of X"2003 UB313"X Eris, the X"10th planet"X largest known dwarf planet". web.gps.caltech.edu ; planetlila.
- ↑ 4,0 4,1 "Eris - NASA Science". science.nasa.gov (en inglés). Consultado o 2024-07-04.
Véxase tamén
[editar | editar a fonte] |
Wikimedia Commons ten máis contidos multimedia na categoría: Eris  |
Outros artigos
[editar | editar a fonte] | |||||||||||||||||||||||
| |||||||||||||||||||||||
| Obxectos hipotéticos | |||||||||||||||||||||||
|
Este artigo sobre astronomía é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |
