Halterofilia
A halterofilia[1] ou levantamento olímpico de pesos é un deporte consistente no levantamento da maior cantidade de peso posible nunha barra á que se lle fixan nos seus extremos varios discos, os cales determinan o peso final a levantar. O devandito conxunto denomínase haltere.
Existen dúas modalidades de competición: arrancada e dous tempos. Na primeira, débese elevar, sen interrupción, a barra desde o chan ata a total extensión dos brazos sobre a cabeza. Na segunda, hase de conseguir o mesmo, pero permítese unha interrupción do movemento cando a barra se acha á altura dos ombreiros.
Desenvolveuse en Europa durante o século XIX aínda que ten antecedentes en épocas anteriores. Forma parte dos deportes dos Xogos Olímpicos desde Atenas 1896, aínda que desapareceu en 1908 pero reincorporouse en Antuerpen 1920.
Notas
[editar | editar a fonte]- ↑ Definicións no Dicionario da Real Academia Galega e no Portal das Palabras para halterofilia.
