Norman Taurog

Norman Taurog

Biografía
Nacemento	23 de febreiro de 1899 Chicago, Estados Unidos de América
Morte	7 de abril de 1981 (82 anos) Rancho Mirage, Estados Unidos de América
Actividade
Ocupación	director de cinema, actor, guionista
Empregador	Universidade de California
Familia
Cónxuxe	Julie Leonard (1925–1943), divorcio
Premios
(1931)  Óscar ó mellor director, premiado polo traballo Skippy (pt)  estrela no Paseo da Fama de Hollywood

Norman Rae Taurog, nado en Chicago, Illinois o 23 de febreiro de 1899 e finado en Rancho Mirage, California o 7 de abril de 1981, foi un director de cinema estadounidense.

Traxectoria

Actor infantil, fixo a súa primeira aparición no cine na curtametraxe Tangled Relations aos trece anos. Tras esta, adicouse especialmente ao teatro.

En 1919 comezou a súa carreira como director de cine, triunfando en 1931 con Skippy, coa que gañou o oscar ao mellor director. O protagonista do filme, tamén candidato ao premio era o seu sobriño, Jackie Cooper.

Nos anos seguintes dirixiu películas de moi diferentes xéneros, incluíndo filmes de propaganda durante a segunda guerra mundial. Durante os sesenta tamén foi o responsable de nove películas de Elvis Presley.

Deixou a dirección en 1968, comezando unha etapa como profesor de cinema en California.

Obra

Taurog dirixiu aproximadamente 180 filmes durante a súa carreira, sendo algúns dos principais os seguintes:

• 1931 - Skippy
• 1931 - Huckleberry Finn
• 1933 - A Bedtime Story
• 1938 - Mad About Music
• 1938 - The Adventures of Tom Sawyer
• 1938 - Boys Town
• 1950 - The Toast of New Orleans
• 1952 - Jumping Jacks
• 1955 - The Caddy
• 1956 - Un regalo do Nadal
• 1959 - Non abandóne-lo barco
• 1960 - Visita a un pequeno planeta
• 1962 - Girls! Girls! Girls!
• 1968 - Live a Little, Love a Little

Véxase tamén

Ligazóns externas

• Norman Taurog na IMDb (en inglés).