Premio Carlomagno
O Premio Carlomagno (Internationaler Karlpreis der Stadt Aachen, e desde 1998 Internationaler Karlspreis zu Aachen) é un premio outorgado desde 1950 pola cidade alemá de Aquisgrán. É o premio máis antigo e coñecido co que son distinguidas as personalidades ou institucións no ámbito europeo en xeral e da Unión Europea en particular.[1]
Historia
[editar | editar a fonte]A orixe do premio sitúase o 19 de decembro de 1949 cando un comerciante da cidade de Aquisgrán, o Dr. Kurt Pfeiffer, que fundara un círculo cultural co nome de ‘’Corona Legentium Aquensis’’ coa intención de fomentar o diálogo entre políticos, científicos e os personaxes culturais de toda Europa, anuncia a creación dun premio que bautiza co nome do emperador Carlomagno quen no século VIII fixara a súa residencia en Aquisgrán[2].
O obxectivo do Premio Carlomagno definiuse polo seu fundador nos seguintes térmos:
O premio actúa cara o futuro e carrexa un deber de contido sumamente ético. Diríxese, rexenerado por unha nova forza, á unificación dos pobos europeos para defender os máis altos valores humanos: a liberdade, a humanidade e a paz, para axudar aos pobos oprimidos e marxinados, e para asegurar o futuro dos fillos e dos netos.
No ano 2004, ademais do premio ordinario, concedeuse un premio especial ao papa Xoán Paulo II que non se entregou en Aquisgrán, senón na Cidade do Vaticano. Ó ano seguinte unha iniciativa cidadá intentou sen éxito retirar o premio a Henry Kissinger, quen obtivera o galardón en 1987. A súa xestión no goberno estadounidense foi criticada pola súa responsabilidade no golpe de Estado contra o presidente chileno Salvador Allende en 1973.[3]
O premio
[editar | editar a fonte]O Premio Carlomagno outorgase á contribución (anual) máis valiosa para a comprensión e o desenvolvemento da comunidade en Europa Occidental e polos servizos á humanidade e á paz mundial. A contribución pode estar encadrada nos campos da literatura, das ciencias, da economía ou a política.
O xurado que outorga o Premio Carlomagno está formado por 17 persoas, entre as que se encontran o alcalde de Aquisgrán, o deán da Catedral e reitor da Escola Técnica Superior de Renania-Westfalia, radicada de igual xeito en Aquisgrán, así como representantes dos partidos políticos.
O premio consiste nun premio en metálico de 5.000 euros, unha medalla coa imaxe de Carlomagno no trono, e un certificado.[4]
A súa entrega realízase no mes de maio no interior da Sala da Coroación da Casa do concello de Aquisgrán, logo do cal, fanse tres discursos, un polo alcalde da cidade, outro de louvanza por un convidado especial e o terceiro polo propio premiado.
Relación de premiados
[editar | editar a fonte]
Notas
[editar | editar a fonte]- ↑ "Internationaler Karlspreis zu Aachen". karlspreis.de (en alemán). 2008. Arquivado dende o orixinal o 05/05/2008. Consultado o 11/05/2008.
- ↑ "Internationaler Karlspreis zu Aachen". karlspreis.de (en alemán). 2008. Arquivado dende o orixinal o 05/05/2008. Consultado o 11/05/2008.
- ↑ "Premio Carlomagno para Angela Merkel". Deutsche Welle 14.11.2007 (en español). 2007. Consultado o 11/05/2008.
- ↑ "Juncker galardonado con el Premio Carlomagno 2006". Deutsche Welle 10.12.2005 (en español). 2005. Consultado o 11/05/2008.
- ↑ Premio extraordinario.
Véxase tamén
[editar | editar a fonte] |
Commons ten máis contidos multimedia sobre: Premio Carlomagno |
