Prototerios
| Prototerios Prototheria Rango fósil: xurásico inferior,[1] ou cretáceo superior[2] - actualidade | |||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
 Equidna de fociño curto (Tachyglossus aculeatus). | |||||||||||||||||||
| Clasificación científica | |||||||||||||||||||
| |||||||||||||||||||
| Ordes | |||||||||||||||||||
| Sinonimia | |||||||||||||||||||
| |||||||||||||||||||
(Zaglossus bruijni).
A dos prototerios (Prototheria) é unha subclase de mamíferos moi primitivos que presentan algunhas características que o aproximan aos réptiles.
Inclúe maioritariamente especies fósiles e 5 especies vivas: o ornitorrinco e as catro especies de equidnas.
A súa xerarquía taxonómica presenta algunhas controversias, especialmente con relación ao clado sen xerarquizar dos Australosphenida.
Segundo algúns autores, constitúen a orde actual dos monotremas e a orde extinta dos Docodonta, protomamíferos que viviron no mesozoico medio.
Outra controversia refírese á posición relativa deste taxon respecto aos metaterios. Algunhas evidencias morfolóxicas suxiren que os metaterios son próxiomos aos placentarios, mentres que os monotremas evolucionaron por separado durant moito tempo. Porén, recentes análises de ADN mitocondrial parcen indicar que os monotremas e os marsupiais forman un clado, sen os placentarios. Análises que se fixeron empregando grandes segmentos de ADN confirman o punto de vista clásico.
Etimoloxía
[editar | editar a fonte]O termo do latín científico Prototheria está formado polo elemento do grego antigo πρῶτο- proto-, derivado de πρῶτον prôton. neutro de πρῶτος prôtos, "o primeiro" e o elemento do latín científico -theria, derivado do grego θηρίον thēríon, "besta", "animal salvaxe", "fera" (e tamén "animal terrestre", en oposicion ás aves e os peixes), polo que se pode traducir como "os primeiros animais salvaxes terrestres". Este termo foi cuñado en 1872 polo zoólogo estadounidense Theodore Nicholas Gill para substituír o grupo Ornithodelphia, creado en 1834 por Henri Marie Ducrotay de Blainville para incluír os mamíferos ovíparos.
Clasificación
[editar | editar a fonte]Posteriormente, en 1880, Thomas Henry Huxley estabeleceu a división dos mamíferos nos tres grupos Prototheria, Metatheria e Eutheria para separar monotremas, marsupiais e placentarios, respectivamente. Inicialmente estes tres grupos eran considerados como subclases.
Máis tarde, Metatheria e Eutheria foron reclasificados como infraclases da subclase dos Theria.
Na actualidade, segundo o NCBI, a clasificación do taxon é a seguinte:[4]
- Subclasse Prototheria
- Orde Monotremata
- Familia Ornithorhynchidae
- Xénero Ornithorhynchus - ornitorrico (1 especie)
- Familia Tachyglossidae - equidnas (4 especies)
- Xénero Tachyglossus - equidna de fociño curto (1 especie)
- Xénero Zaglossus - equidnas de fociño longo (3 especies)
- Familia Ornithorhynchidae
Notas
[editar | editar a fonte]- ↑ Andrew F. Hugall1, Ralph Foster and Michael S. Y. (2007): "Calibration Choice, Rate Smoothing, and the Pattern of Tetrapod Diversification According to the Long Nuclear Gene RAG-1" Syst. Biol. 56 (4): 543-563.
- ↑ Archer, M.; T. M. Flannery; A. Ritchie and R. E. Molnar (1985): "First Mesozoic mammal from Australia — an early Cretaceous monotreme". Nature 318 :363–366. En University of California Museum of Paleontology Monotremata: Fossil Record (en inglés).
- ↑ 3,0 3,1 Classification of the subclass Prototheria en Fossilworks.
- ↑ Prototheria no NCBI.
Véxase tamén
[editar | editar a fonte] |
Wikimedia Commons ten máis contidos multimedia na categoría: Prototerios  |
Bibliografía
[editar | editar a fonte]- Hickman, C. P.; W. C. Ober e C. W. Garrison (2006): Principios integrales de zoología, 13ª ed. Madrid: McGraw-Hill Interamericana. ISBN 84-481-4528-3.
- Kemp, Thomas S. (2005): The Origin & Evolution of Mammals. Oxford: Oxford University Press. ISBN 0-19-850761-5.
- Nielsen, K. (2001): Animal Evolution: Interrelationships of the Living Phyla. 2nd edition. Oxford: Oxford University Press. ISBN 0-19-850682-1.
- Wilson, D. E. & D. M. Reeder, editors (2005): Mammal species of the world: a taxonomic and geographic reference Arquivado 12 de xuño de 2012 en Wayback Machine.. Third edition. Baltimore, Maryland, USA: The Johns Hopkins University Press. ISBN 0-8018-8221-4.
Outros artigos
[editar | editar a fonte]Ligazóns externas
[editar | editar a fonte]- Prototheria en ADW. Abundante información e imaxes (en inglés).
