Re (música)

Para outras páxinas con títulos homónimos véxase: Re.

Re é o nome da segunda nota da escala diatónica de dó maior.

Nome

O nome orixinal desta nota deriva do inicio do segundo verso do himno relixioso Ut queant laxis, usado por Guido d'Arezzo para nomear todas as notas musicais.

Antes da adopción do solfexo, as notas chamábanse por letras. A nota re corresponde á nota D, que aínda se usa en varias linguas.

Altura

O re situado xusto encima do dó central do piano (terceira oitava) ten unha frecuencia aproximada de 294Hz.