República Helvética

República Helvética
	Helvetische Republik (de); République helvétique (fr); Repubblica elvetica (it)
Epónimo	Helvecios
Localización
Capital	Aarau (–1798); Lucerna (–1799); Berna (–1803)
Poboación
Poboación	1.664.832 (1798)
Lingua usada	Lingua alemá de Suíza ; francês da Suíça (pt) ; lingua italiana ; linguas retorrománicas
Datos históricos
Precedido por	Antiga Confederación Suíza, Federation of thirteen cantons (en) e Prince-Bishopric of Sion (en)
Creación	12 de abril de 1798
Disolución	19 de febreiro de 1803
Sucedido por	Switzerland in the Napoleonic era (en)
Organización política
Forma de goberno	república
Moeda	coins of the Helvetic Republic (en)

A República Helvética foi un estado que persistiu cinco anos, dende 1798 até 1803.

Durante as Guerras Revolucionarias Francesas, os exércitos revolucionarios marcharon ao leste, rodeando Suíza durante os seus combates contra Austria. O 15 de marzo de 1798 Suíza estaba completamente cercada polos franceses e o Antigo Réxime de Suíza veuse abaixo. O 12 de abril de 1798 proclamouse a República Helvética, 'Unha e indivisible'. Os dereitos de soberanía cantonal e feudais foron abolidos. As forzas de ocupación estableceron un estado centralizado baseado nas ideas da Revolución francesa. Estas ideas progresistas atoparon unha gran resistencia, particularmente nas áreas centrais da confederación, e produciuse unha revolta en Nidwalden que sería extinguida polas forzas de ocupación.

Non había unidade na Antiga Confederación Suíza sobre o futuro de Suíza. Os golpes de estado producíronse con frecuencia, pero os franceses retiveron o poder. As forzas de ocupación espoliaron moitas localidades. Xunto á resistencia local, os problemas financeiros provocaron que a República Helvética fracasase. A inestabilidade na República alcanzou as súas cotas máis altas en 1802-1803. En 1803 entraron máis tropas francesas no país para fortalecer o seu control.

O 19 de febreiro de 1803, Napoleón Bonaparte introduciu a Acta de Mediación, que era esencialmente un compromiso entre a antiga e a nova orde. O estado centralizado foi abolido.

Hai reminiscencias da República Helvética na moderna Suíza, como algúns aspectos dos cantóns e constitucións.

Divisións administrativas

Os cantóns anteriormente soberanos foron reducidos a simples distritos administrativos e, para debilitar as antigas estruturas de poder, establecéronse novas fronteiras entre algúns. A acta de 1798 describía os seguintes cantóns:


Argovia (sen Baden nin Fricktal) Baden Basilea Bellinzona Berna (sen o Oberland) Friburgo Fricktal (dende 1802) Léman (correspondente a Vaud) Linth Lugano	Lucerna Oberland Raetia (correspondente a Graubünden/Grisóns) Säntis Schaffhausen Soleura Turgovia Waldstätten Valais Zúric

Estados predecesores

Ao igual que a Antiga Confederación Suíza, os seguintes territorios formaron parte da República Helvética:

Estados asociados


República dos Seven Zenden Abadía Imperial de Sankt Gallen Cidade Imperial de Sankt Gallen	Liga da Casa de Deus Liga Gris Liga das Dez Xurisdicións

Condominios


Condado de Baden Vogtei de Bellinzona Vogtei de Blenio Argovia Vogtei de Gams / Hohensax Señorío de Grandson Vogtei de Leventina Landvogtei de Locarno Landvogtei de Lugano Landvogtei de Mendrisio	Vogtei de Murten Vogtei de Orbe-Échallens Abadía Imperial de Pfäfers Vogtei de Rheintal Vogtei de Rivera Condado de Sargans Schwarzenburg / Grasburg Landgraviato de Thurgau Condado de Uznach Landvogtei de Valmaggia Vogtei de Windegg