Ruud Gullit

Ruud Gullit

Biografía
Nacemento	(nl) Ruud Dil Gullit 1 de setembro de 1962 (62 anos) Ámsterdam, Países Baixos
Educación	Mendelcollege (en)
Altura	191 cm
Peso	83 kg
Actividade
Ocupación	futbolista, adestrador de fútbol
Período de actividade	1979 -
Nacionalidade deportiva	Países Baixos
Deporte	fútbol
Liga	Premier League
Posición de xogo	Centrocampista
Traxectoria   Deporte base 1975–1979 Door Wilskracht Sterk   Equipo 1979–1982 HFC Haarlem 91 (32) 1982–1985 Feyenoord Rotterdam 85 (30) 1985–1987   PSV Eindhoven 68 (46) 1987–1993 A.C. Milan 117 (35) 1993–1994 UC Sampdoria 31 (15) 1994–1994 A.C. Milan 8 (3) 1994–1995 UC Sampdoria 22 (9) 1995–1998   Chelsea F.C. 49 (4)   Selección nacional 1979–1979   Países Baixos sub-21 4 (1) 1981–1994   Países Baixos 66 (17)   Adestrador 1996–1998   Chelsea F.C. (xogador, director) 1998–1999   Newcastle United 2004–2005 Feyenoord Rotterdam 2007–2008 Los Angeles Galaxy 2011–2011 FC Akhmat Grozny (pt) 2017–   Países Baixos (segundo adestrador)
Participou en
xuño de 1992	Eurocopa de Fútbol Suecia 1992
1990	Mundial de Fútbol Italia 1990
xuño de 1988	Eurocopa de Fútbol Alemaña Occidental 1988
Familia
Fillos	Maxim Gullit
Premios
(2017)  Italian Football Hall of Fame (en) (1987)  Balón de Ouro (1987)  Deportista neerlandés do ano (1984, 1986)  Futbolista neerlandés do ano  FIFA 100  Cabaleiro da Orde de Orange-Nassau

Ruud Gullit (á dereita) en compaña de Cobi Jones.

Ruud Gullit, nado en Ámsterdan o 1 de setembro de 1962, é un ex-futbolista e adestrador neerlandés. Recibiu o premio ao mellor xogador europeo, o Balón de Ouro en 1987, e o World Soccer - mellor xogador europeo en 1987 e 1989. Foi un xogador moi versátil, ocupando diversas demarcacións ó longo da súa carreira.

Traxectoria

Gullit naceu nunha familia procedente de Suriname. O seu primeiro club, aínda sendo un neno, foi o Meerboys polo que fichou en 1970. O seu primeiro contrato profesional conseguiuno en 1978, co HFC Haarlem. Xogaría 91 encontros de liga e anotaría 32 goles.

En 1982, marcha ao Feyenoord e pouco despois, en 1985 ó PSV Eindhoven , co que chegou a anotar 46 goles en 68 encontros.

Silvio Berlusconi ficha a Gullit para o A.C. Milan en 1987 por unha cantidade récord de 7,7 millóns de euros. Alí xuntouse con dous compatriotas seus: Marco van Basten e Frank Rijkaard. Xunto coas estrelas locais Paolo Maldini e Franco Baresi formaron un equipo de lenda. entre os anos 1988 e 1992 o Milan gaña tres veces a Serie A e dúas Copas de Europa, en 1989 e 1990.

Gaña tamén o Balón de Ouro en 1987 e adícallo a Nelson Mandela.

Despois do seu retiro do fútbol internacional no ano 1993, Gullit ficha pola Sampdoria e conseguen gaña-la Copa de Italia de Fútbol. Volveu brevemente ao Milan 1994 pero antes do final da tempada xa estaba de novo na Sampdoria.

En xullo de 1995 marcha ao Chelsea F.C., onde remataría a súa carreira de xogador.

Selección

En 1981 Gullit xoga o seu primeiro encontro internacional coa Holanda contra Suíza Foi un dos xogadores fundamentais na vitoria da Holanda na Eurocopa de Fútbol 1988, o único título de seleccións a nivel absoluto que conseguiu este país.

Gullit retirouse do fútbol internacional en 1994, pouco antes do mundial.

Adestrador

No verán de 1996 Gullit é nomeado adestrador-xogador do Chelsea, e nesa tempada levaría ao club a gaña-la FA Cup, o primeiro título en 26 anos. Foi o primeiro adestrador non-británico en consegui-lo trofeo. Rematarían en sexto posto na liga dese ano.

Na seguinte tempada, co Chelsea en segundo posto na liga é despedido por un suposto desencontro económico coa directiva.

En 1998 é nomeado adestrador do Newcastle United F.C., e no primeiro ano xa conseguen chegar á final da FA Cup. Ao ano seguinte os pobres resultados na liga e as malas relacións co goleador Alan Shearer e o capitán Robert Lee remataron con Gullit de novo fora da escuadra.

Despois do fútbol

Na actualidade traballa coma analista da Eredivisie e da Liga de Campións da UEFA en varias cadeas de televisión.

Persoal

Gullit casou tres veces e ten seis fillos:

• Yvonne de Vries - 1984 a 1991: Felicity e Charmayne.
• Cristina Pensa - 1994 a maio 2000: Quincy e Sheyenne.
• Estelle Cruijff - 3 de xuño de 2000: arestora: Maxim e Joëlle. Estelle é sobriña de Johan Cruyff.

Títulos

Selección

• Eurocopa de Fútbol 1988 (Holanda)

Club

• 1984 Copa de Holanda (Feyenoord)
• 1984 Liga Holandesa (Feyenoord)
• 1986 Liga Holandesa (PSV Eindhoven)
• 1987 Liga Holandesa (PSV Eindhoven)
• 1988 Serie A (Milan AC)
• 1988 Supercopa Italiana (Milan AC)
• 1989 Liga de Campións da UEFA (Milan AC)
• 1990 Supercopa de Europa de Fútbol (Milan AC)
• 1990 Copa Intercontinental de Fútbol(Milan AC)
• 1990 Liga de Campións (Milan AC)
• 1992 Supercopa de Italia de Fútbol (Milan AC)
• 1994 Supercopa de Italia (Milan AC)
• 1992 Serie A (Milan AC)
• 1993 Serie A (Milan AC)
• 1994 Copa de Italia de Fútbol (Sampdoria)

Individual

• 1987 Balón de Ouro
• 1987 World Soccer Magazine European Footballer of the Year
• 1989 World Soccer Magazine European Footballer of the Year

Véxase tamén

Ligazóns externas

• FIFA entrevista a Gullit, marzo de 2005 - fifaworldcup.yahoo.com (en inglés)