Shenzhen

Shenzhen

深圳 (zh)
Localización
22°32′06″N 114°03′14″L
Estado	República Popular da China
Provincias da República Popular da China	Provincia de Cantón
Capital	Distrito de Futian (pt)
Contén a división administrativa	Bao'an District (en) Dapeng New District (en) Distrito de Futian (pt) Distrito de Luohu (pt) Distrito de Nanshan (pt) Distrito de Yantian (pt) Guangming District (en) Longgang District (en) Longhua District (en) Pingshan District (en) Shen-Shan Special Cooperation Zone (en)
Poboación
Poboación	10.628.900 (2013) (5.321,71 hab./km²)
Lingua oficial	lingua chinesa
Xeografía
Parte de	Delta do Río das Perlas
Superficie	1.997,27 km²
Altitude	0 m
Comparte fronteira con	Dongguan (pt) Hong Kong Cantón, China
Creación	1979
Organización política
Órgano executivo	Shenzhen Municipal People's Government (en)
• Alcalde	Chen Rugui (en) (2017–)
Órgano lexislativo	Shenzhen Municipal People's Congress (en) ,
Membro de	Rede de cidades creativas (2008–)
Identificador descritivo
Código postal	518000
Fuso horario	UTC+08:00
Prefixo telefónico	755
Outro
Irmandado con	Vilnius (2017–)
Sitio web	sz.gov.cn

Shenzhen (en chinés: 深圳; pinyin: Shēnzhèn) é unha cidade de China que linda polo sur con Hong Kong, na beira oriental do Delta do Río das Perlas. Esa estratéxica situación foi a causa de que en 1979 fose escollida coma primeira Zona Económica Especial, coa que as autoridades chinesas comezaron a abrir a economía do país ao capitalismo.

O éxito ten sido tal que, dunha pequena poboación pesqueira, en trinta anos converteuse nunha das maiores metrópoles do mundo, cunha poboación real estimada de máis de doce millóns de habitantes.

Historia

Aínda que o seu nome aparece xa en tempos da dinastía Ming, en 1410, Shenzhen non foi máis que unha pequena vila pesqueira ata 1979 . Nese ano, as autoridades chinesas escolleron a súa situación privilexiada ao norte de Hong Kong, para iniciar unha apertura do país os investimentos estranxeiros a través das chamadas Zonas Económicas Especiais, das que Shenzhen sería o primeiro exemplo .

Enclavada xusto no van do ferrocarril, que dende Hong Kong vai cara ao norte, sobre o río que fai de fronteira cos Novos Territorios, o homónimo río Shenzhen, o distrito xa construído era o da estación (dende 1911), Luohu .

En 1980 iniciáronse as obras da cidade moderna . Unha primeira extensión do distrito de Luohu (Primeiro Plan Mestre, 1982) faise pronto insuficiente .

A partir de 1986, un Segundo Plan Mestre ordena a expansión da cidade cara ao oeste (distrito de Futian), onde hoxe se planifica o centro dos negocios da actual metrópole .

E novamente, no ano 2000 aprobouse o Terceiro Plan Mestre, co desenvolvemento de toda a faixa costeira e o interior dos límites municipais, xa coas infraestruturas dunha grande urbe: porto en Nantou (Nanshan), aeroporto, autoestradas, metro conectado co de Hong Kong..

O crecemento ten sido tan abraiante que non hai precedentes na historia moderna, acuñando o termo "velocidade de Shenzhen" (duns miles de habitantes a máis de dez millóns en trinta anos). Pero aínda continúa e os estudosos pregúntanse se resultará sostible. A máis estase comezando a falar dunha posible integración entre Shenzhen e Hong Kong que competiría coas metrópoles globais do planeta (Nova York, Londres, París, Toquio). E sen esquecer o contexto do Delta do Río das Perlas, coa contigüidade polo norte de Dongguan (máis de seis millóns de habitantes) e Cantón, que pon no futuro unha das megalópoles punteiras (a fábrica do mundo neste tempo).