Wikimedia Commons

Wikimedia Commons
Tipo	proxecto de contido de Wikimedia, arquivo, wiki with script conversion, proxecto da Wikimedia, fototeca e plataforma de contido xerado polo usuario
Data de fundación	7 de setembro de 2004
Fundador(es)	Erik Möller, Jimbo Wales e Fundación Wikimedia
Na rede
	https://commons.wikimedia.org/
	[ editar datos en Wikidata ]

Wikimedia Commons, abreviado decote como Wikicommons, é un proxecto da Fundación Wikimedia creado o 7 de setembro de 2004 co obxecto de servir como almacén de ficheiros, tanto de imaxe como outros formatos multimedia, dos que botar man á hora de fornecer o resto dos proxectos da fundación.

Características

Todos os ficheiro deben ser liberados baixo licenzas libres (como a licenza de documentación libre de GNU, CC BY-SA...) ou no dominio público.

Baséase nun wiki configurado de tal forma que os arquivos alí contidos están dispoñíbeis en todos os demais wikis dos proxectos de Wikimedia de forma transparente. Isto permite unha xestión centralizada deste tipo de ficheiro en todas as versións de Wikipedia, Wikilibros etc.

É posíbel editar as páxinas de Wikimedia Commons sen rexistro previo, pero é necesario rexistrarse para subir ficheiros.

Fitos

O 30 de novembro de 2006, alcanzou o millón de ficheiros almacenados.
O 9 de outubro de 2007, alcanzou os 2 millóns.
O 16 de xullo de 2008, alcanzou os 3 millóns.
O 4 de marzo de 2009, alcanzou os 4 millóns.
O 2 de setembro de 2009, alcanzou os 5 millóns.
O 27 de xaneiro de 2010, alcanzou o millón de usuarios rexistrados e tamén os 8 millóns de páxinas.
O 31 de xaneiro de 2010, alcanzou os 6 millóns de ficheiros almacenados.
O 16 de abril de 2011, alcanzou os 10 millóns.

En 2024 tiña máis dun cento de millóns de ficheiros.^[1]

Imaxes do ano en Wikimedia Commons