ઓગસ્ટ ૧૧

૧૧ ઓગસ્ટનો દિવસ ગ્રેગોરીયન પંચાંગ મુજબ વર્ષનો ૨૨૩મો (લિપ વર્ષદરમ્યાન ૨૨૪મો) દિવસ છે. આ દિવસ પછી વર્ષ પુરું થવામાં ૧૪૨ દિવસ બાકી રહે છે.

મહત્વની ઘટનાઓ

• ૧૯૬૧ – પોર્ટુગીઝ સંસ્થાનો દાદરા અને નગર હવેલીનો ભારતમાં વિલય.
• ૧૯૭૯ – ઉપરવાસમાં ભારે વરસાદને કારણે મોરબી જિલ્લાના મચ્છુ નદી પરનો બંધ તૂટતાં મચ્છુ બંધ હોનારત સર્જાઈ.
• ૧૯૯૯ – સદીનું છેલ્લું ગ્રહણ, ખગ્રાસ સૂર્યગ્રહણ, યુરોપ, મધ્યપૂર્વ અને ભારતમાં જોવા મળ્યું.
• ૨૦૦૩ – નાટોએ અફઘાનિસ્તાનમાં શાંતિ રક્ષક દળની કમાન સંભાળી, જે તેના ૫૪ વર્ષના ઇતિહાસમાં યુરોપની બહાર તેનું પ્રથમ મોટું ઓપરેશન છે.
• ૨૦૦૮ – અભિનવ બિંદ્રા બેજિંગ ઓલમ્પિક રમતોત્સવમાં ૧૦ મીટર એર રાયફલ સ્પર્ધામાં સુવર્ણ ચંદ્રક જીતીને ઓલમ્પિક રમતોત્સવમાં વ્યક્તિગત સુવર્ણ ચંદ્રક મેળવનારા પ્રથમ ભારતીય રમતવીર બન્યા.

જન્મ

• ૧૭૭૮ – ફ્રેડરિક લુડવિગ જ્હૉન, જિમ્નાસ્ટીક્સનો પાયો નાંખનાર જર્મન શિક્ષક (અ. ૧૮૫૨)
• ૧૯૨૯ – ગીતા પરીખ, ગુજરાતી કવિયત્રી (અ. ૨૦૧૨)
• ૧૯૩૮ – બાપ્સી સિધવા, ગુજરાતી પારસી મૂળના અંગ્રેજી ભાષાના પાકિસ્તાની લેખિકા
• ૧૯૪૩ – પરવેઝ મુશર્રફ, પાકિસ્તાની રાજદ્વારી અને સેનાના ભુતપૂર્વ વડા.
• ૧૯૫૪ – યશપાલ શર્મા, ભારતીય ક્રિકેટર (અ. ૨૦૨૧)
• ૧૯૫૪ – એમ.વી.નરસિમ્હારાવ, ભારતીય ક્રિકેટર

અવસાન

• ૧૯૦૮ – ખુદીરામ બોઝ, ભારતીય ક્રાંતિકારી (જ. ૧૮૮૯)
• ૧૯૧૯ – એન્ડ્રુ કાર્નેગી, સ્કોટિશ-અમેરિકન ઉદ્યોગપતિ (જ. ૧૮૩૫)
• ૨૦૦૦– ઉષા મહેતા, ગાંધીવાદી સ્વાતંત્ર્ય સેનાની અને સમાજ સેવિકા (જ. ૧૯૨૦)
• ૨૦૧૩ – ઝફર ફતેહ અલી, (Zafar Futehally) ભારતીય પ્રકૃતિવાદી અને બોમ્બે નેચરલ હિસ્ટ્રી સોસાયટીના પૂર્વ સેક્રેટરી (જ. ૧૯૨૦)
• ૨૦૧૮ – વી. એસ. નાયપોલ, અંગ્રેજી સાહિત્યકાર (જ. ૧૯૩૨)

બાહ્ય કડીઓ

• બી.બી.સી.(BBC): આજનો દિવસ

---