Marilyn Monroe

Gun (Gungbe)

Gun (Bénin)

This article is written in Gun (Gungbe)

Marilyn Monroe

Marilyn Monroe (yin jiji to azán tintan osun ṣidopotọ, owhe 1926 - azán fọtọnnukunẹnẹtọ osun ṣiantọntọ owhe 1962) bo yin Aihundatọ sinnimọto Amẹlika tọn, bo yin wekantọ, hanjitọ To 1946 po 1962 po gblamẹ ede sinnimọto Kandenukunẹnẹ tọn. E yin yinyọnẹn na Aihundida nukikodonamẹtọ tọn de bosọ diyin, E lẹzun dopo to mẹhe yin nukundeji na whanpẹ Etọn to owhe 1950 tọn. Na nugbo tọn E yin Aihundatọ dagbe hugan na Owhe lẹ, sinnimọto etọn lẹ, $200 million, to okú madonukun etọn whenu to 1962.

Todowhinnu

Marilyn Monroe yin jiji di Norma Jeane Mortenson kavi Norma Jeane Baker,to Azan tintan osun ṣidopotọ owhe 1926 to Los Angeles, California, United States tọn. Onọ etọn yin ginglọn do Dotowhe na apọnmẹzọn, Azọn sinsinyẹn de, To Whenuena Marilyn gbẹ yin owhe ṣinawe mẹ vi, Oyin onọ etọn tọn nọ yin Gladys (Monroe) Baker mortenson. Norma yin zizeyi owhe tọṣiọvi tọn gbe to fi voovo lẹ yiyi sọn fide jẹ fide etọn zọn bọ e ma tindo nukọnyiyi to wehihia mẹ. To Whenuena Norma Basi jijizan etọn to owhe fọtọnnukundopotọ tọn godo, mẹhe de e to ninọ lọ jlo na yi California. sigba na Norma ma jlo na to yiyi sọn fide jẹ fide wutu, E basi tito nado wlealọ to Azan fọtọnnukunẹnẹtọ osun sidopo tọ Owhe 1943. Norma da James Dougherty, ṣigba alọwle lọ ma dẹn to aimẹ to Whenuena ekọn awudopọ hẹ. Azọnwatọ otọji tọn. Awusinyẹnnamẹnu he e mọ to jọja etọn po alọwle etọn po whenu zọn bọ e lẹzun yọnnu huhlọnnọ. Numimọ enẹ sọ gọna hihọmatindo po Awugbopo devo lẹ po.

Sinimọto lẹ

Marilyn Monroe Lẹzun yinditọ na sinimọto he e de tọn to Owhe 1950 yi 1960 po gblamẹ. E sọ diyin to yẹdide po ohan po jiji dali. To ojlẹ de whenu EjiHappy BirthdayNa Togbogan Jonh F Kennedy. Enẹ wẹ yin ohan godotọ tọn he eji.

Gbẹzan etọn

Norma jaene owhe fọtọnnukundopomẹvi da James Dougherty to Azan fọtọnnukunẹnẹ owhe 1942 tọn. To alọwle lọ godo, Asu lọ kọnawudopọ hẹ ponọ he nọ wazọn to Otọji. To ojlẹ lọ mẹ Norma mọ yedenanutọ dé he nọ yin David Conover. É jẹ Aihundaji bo diọ yinkọ Etọn do Marilyn Monroe. Ewọ po Dougherty basi gbẹdai to Azan wiatọntọ osun sinẹnẹtọ owhe 1946. Marilyn da Joe DiMaggio to Azan wiẹnẹtọ osun tintan owhe 1954. Alọwle lọ dẹnto Aimẹ na osun sinẹnẹ. Ye ko to Họntọnmẹ to intanẹti ji to Whenue sinimọto de tọn he Hosọ Etọn yin Monkey Business to owhe 1952. Gbẹtọ susu lẹ wẹ wa alọwle lọ tẹnmẹ. To Whenuena DiMaggio yin Alọhẹndotena to Azọ́n mẹ wẹ Marilyn wa jẹ yindi dogọ ji. DiMaggio gblehomẹ na Azọn he gble do e wutu Bo jē Awuwhan ji na Nukọnyiyi Marilyn tọn wutu. E zan whenu susu to teliviṣọn kọn, Apọ nọ ṣi Monroe. Ye Klan to Azan gbannukundopotọ osun Aotọ owhe 1954. Ye lẹzun Họntọn whladopodogọ to owhe 1954, DiMaggio tlẹ dọ dọ Emi nọ na Marilyn vounvoun yọnwhanpẹ to sẹmẹsẹmẹ na Owhe AO. Marilyn da Arthur Miller to Azan gbanewhedopotọ owhe 1956. Bo diọ Zun sinsẹnnọ dé. Ye pé to sinimọto dé bibasi tẹnmẹ he hosọ etọn yin "As long as you feel" to owhe 1951. Ye tindo whẹndo Ayajẹnọ podọ yé tẹnpọn nado jivi dopọ. Ṣigba e ma pa ye na Marilyn tindo Azọ̀n he nọ glọn vijiji wutu, oho gble doe whla Atọ̀n, enẹgodo Miller Kan Otan dé he hosọ etọn yin "Misfits". Otan Ehe hẹn Nuhahun susu lẹ wa Alọwle yetọn mẹ. Ye Klan to Azan kotọ osun tintan owhe 1961.

Oku etọn

Eku na Amasin ṣiṣizan wutu, To Azan Ẹnẹtọ owhe 1962 to Oto brendwood, Los Angeles, California U.S. Eyin Owhe gbanatọnnukundopotọ mẹvi.