N’Djamena
| ||
| Wopon | ||
|---|---|---|
| ||
| Zakładne daty | ||
| stat |  Čad
| |
| wysokosć | 295 metrow n.m.hł. | |
| wobydlerstwo | 1.092.000 (2012) | |
| ||
| Wobraz města z Mjezynarodneje swětnišćoweje stacije (ISS) | ||
N'Djamena (ɨndʒəˈmeɪnə; do 1973 Fort-Lamy; arabsce اِنْجَمِينَا) je stolica a zdobom najwjetše město republiki Čad w centralnej Africe. Nadeńdźe so na juhozapadźe kraja při zjednoćenju rěkow Logone a Shari, při čimž twori druha tule statnu hranicu z Kamerunom. Móst wjedźe přez rěku do kamerunskeho hraničneho města Kousséri. Wjace hač milion wobydlerjow bydli w měsće a połdra miliony w metropolowym rumje.
W měsće knježi horca, tropiska klima z dešćowym časom wot junija do septembra. Přerězne maksimalne temperatury leža pola 31,6 °C w awgusće a 41,0 °C w aprylu.
N'Djamena je sydło 1970 załoženeje jeničkeje uniwersity w Čadźe.
Stawizny
[wobdźěłać | žórłowy tekst wobdźěłać]Sydlišćo załoži so na započatku francoskeho kolonialneho knjejstwa dnja 29. meje 1900 přez administratora Émile Gentil, kiž pomjenowa město po slědźerju a wojerskim wjedniku François Joseph Amédée Lamy. Tutón bě pjeć tydźenjow do toho w bitwje pola Kousséri swoje žiwjenje přisadźił.
Hač k njewotwisnosći Čada w lěće 1960 běše Fort-Lamy sydło francoskeho kolonialneho zarjadnistwa. W lěće 1973 dósta swoje dźensniše, z arabšćiny pochadźace mjeno, kotrež woznamjenja „tule smy wotpočowali“. Ličba wobydlerstwa rozrosće wot 9.976 w lěće 1937 přez 126.000 w lěće 1968 na wjace hač milion w přitomnosći.
Wotkaz
[wobdźěłać | žórłowy tekst wobdźěłać]
Commons: N'Djamena – Zběrka wobrazow, widejow a awdiodatajow