Գեորգ Գրաֆ
Գեորգ Գրաֆ գերմ.՝ Georg Graf | |
|---|---|
| Ծնվել է | մարտի 15, 1875[1][2] Մունցինգեն, Ֆրայբուրգ իմ Բրայսգաու |
| Մահացել է | սեպտեմբերի 18, 1955[1][2] (80 տարեկան) Դանուբի Դիլինգեն, Շվաբիա, Բավարիա, Գերմանիա |
| Քաղաքացիություն |  Գերմանիա |
| Մասնագիտություն | աստվածաբան և պատմաբան |
| Տիրապետում է լեզուներին | գերմաներեն[3] |
Գեորգ Գրաֆ (գերմ.՝ Georg Graf, մարտի 15, 1875[1][2], Մունցինգեն, Ֆրայբուրգ իմ Բրայսգաու - սեպտեմբերի 18, 1955[1][2], Դանուբի Դիլինգեն, Շվաբիա, Բավարիա, Գերմանիա), գերմանացի ականավոր արևելագետ, աստվածաբան։
Կենսագրություն
[խմբագրել | խմբագրել կոդը]Գեորգ Գրաֆը ծնվել է 1875 թվականի մարտի 15-ին Գերմանիայի Ֆրայբուրգ իմ Բրայսգաու քաղաքի մերձակայքում գտնվող Մունցինգեն գյուղում։ Ավարտելով Դիլինգենի Փիլիսոփայական-աստվածաբանական բարձրագույն դպրոցը՝ ձեռնադրվում է քահանա։ 1905 թվականին Մյունխենում պաշտպանում է փիլիսոփայության գծով դոկտորական ատենախոսություն, որի թեման վերաբերում էր քրիստոնյա-արաբական գրականությանը։ 1910-1911 թվականներին նա բնակություն է հաստատում Երուսաղեմում՝ իր գիտելիքները արևելագիտության ասպարեզում խորացնելու համար։ 1918 թվականին Ֆրայբուրգի Ալբերտ-Լյուդվիգ համալսարանում աստվածաբանության գծով պաշտպանում է դոկտորական ատենախոսություն «Մարկոս իբն ալ-Քվնբար. 12-րդ դարի մի բարեփոխման փորձ Ղպտի Եկեղեցում» (Marqus Ibn al-Qunbar։ Ein Reformversuch innerhalb der Koptischen Kirche im zwölften Jahrhundert) թեմայով, որը լույս է տեսնում 1923 թվականին։ 1930 թվականին նրան շնորհվում է Մյունխենի Լյուդվիգ-Մաքսիմիլյան համալսարանի Աստվածաբանության ֆակուլտետի պատվավոր պրոֆեսորի կոչում։
Գեորգ Գրաֆը հեղինակ է արևելագիտությանը վերաբերող ավելի քան 270 գրքերի և հոդվածների, ինչպես նաև հրատարակել է քրիստոնյա-արաբական գրականության բազմաթիվ անտիպ երկեր։ Նա երկար տարիներ եղել է Corpus Scriptorum Christianorum Orientalium արևելագիտական մատենաշարի արաբական ուսումնասիրությունների շարքի պատասխանատուն և Oriens Christianus արևելագիտական հանդեսի գլխավոր խմբագիրը։
Գեորգ Գրաֆի գլխավոր աշխատությունը «Քրիստոնյա-արաբական գրականության պատմություն» (Geschichte der christlichen arabischen Literatur) կոթողային ուսումնասիրությունն է, որտեղ նա անդրադարձ է կատարել նաև արաբերենով ստեղծագործած հայ հեղինակներին։
Աշխատություններ
[խմբագրել | խմբագրել կոդը]- Geschichte der christlichen arabischen Literatur. (5 Bände) Città del Vaticano, Biblioteca Apostolica Vaticana, 1944–1953.
- Die christlich-arabische Literatur: bis zur fränkischen Zeit (Ende des 11. Jahrhunderts); eine literarhistorische Skizze, Freiburg im Breisgau, Herder 1905. - X, 74 S. (Strassburger theologische Studien; 7,1)
- Georg Graf; christlicher Orient und schwäbische Heimat ; kleine Schriften ; anläßlich des 50. Todestages des Verfassers, neu hrsg. und eingel. von Hubert Kaufhold. Würzburg: Ergon 2005 [Beiruter Texte und Studien; 107] ISBN 3-89913-488-5
Գրականություն
[խմբագրել | խմբագրել կոդը]- Julius Aßfalg: Graf, Georg. In: Neue Deutsche Biographie (NDB). Band 6, Duncker & Humblot, Berlin 1964, ISBN 3-428-00187-7, S. 722.
- Samir Khalil Samir: Georg Graf (1875-1955), sa bibliographie et son rôle dans le renouveau des études arabes chrétiennes, in: Oriens Christianus 84 (2000) 77-100.
- Friedrich Wilhelm Bautz: GRAF, Georg. In: Biographisch-Bibliographisches Kirchenlexikon (BBKL). Band 2, Bautz, Hamm 1990, ISBN 3-88309-032-8, Sp. 282.
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 2,2 2,3 2,4 AlKindi (Դոմինիկյան Արևելագիտության ինստիտուտի առցանց կատալոգ)
- ↑ Bibliothèque nationale de France data.bnf.fr (ֆր.): տվյալների բաց շտեմարան — 2011.
