Սալոնիկի ռազմական թանգարան
Սալոնիկի ռազմական թանգարան | |
|---|---|
 | |
| Տեսակ | ռազմական թանգարան |
| Երկիր |  Հունաստան |
| Տեղագրություն | Սալոնիկի մունիցիպալիտետ |
| Վայր | Սալոնիկ |
| Հիմնադրվել է | 2000 |
| Կայք | warmuseumthessaloniki.com |
 | |
 | |
Սալոնիկի ռազմական թանգարան (հուն․՝ Πολεμικό Μουσείο Θεσσαλονίκης), ռազմական թանգարան Հունաստանում[1]՝ Կենտրոնական Մակեդոնիայի Սալոնիկ քաղաքում։
Թանգարան
[խմբագրել | խմբագրել կոդը]Սալոնիկի ռազմական թանգարանը բացվել է 2000 թվականի հոկտեմբերին։ Տեղակայված է քաղաքի Մարսյան դաշտում գտնվող շենքում, որը կառուցվել է 1900-1902 թվականներին ճարտարապետ Վիտալինո Պոզելիի նախագծով։ Թանգարանի առաքելությունը Աթենքի ռազմական թանգարանի՝ Հյուսիսային Հունաստանում գործունեության աջակցությունը և երկրի հյուսիսում նրա միջոցառումներին օգնելն է՝ Հյուսիսիային Հունաստանի մասին պատմական հիշողությունը և հույների մարտական ժառանգությունը պահպանելու նպատակով։ Մշտական էքսպոզիցիաների և տարատեսակ ընծայագիր ցուցադրությունների միջոցով թանգարանն ընդգծում է հույն ժողովրդի շարունակականությունը ողջ պատմության ընթացքում և միաժամանակ իր ներդրումն է ունենում Հունաստանի՝ պատերազմներում ունեցած մասնակցության փաստագրական ապահովման գործում։ Մշտական հավաքածուները լուսաբանում են այն իրադարձությունները, որոնք կրկնվող պահեր են դարձել Հունաստանի ժամանակակից պատմության մեջ՝ սկսած XX դարի սկզբից մինչ Երկրորդ համաշխարհային պատերազմի ավարտը՝ գերմանա-իտալա-բուլղարական զավթիչների կողմից ազատագրումը։ Դրանք իրենց մեջ ներառում են լուսանկարներ, հունական բանակի, ռազմաօդային ուժերի և ռազմածովային նավատորմի համազգեստներ, հրանոթների և նավերի մակետներ, արվեստի ստեղծագործություններ, քարտեզներ, փոստային բացիկներ և բալկանյան այլ երկրների բանակների ցուցադրանմուշների նման ցուցադրաիրեր։ Այս ցուցադրանմուշները լուսաբանում են հունական հեղափոխությունը, Մակեդոնիայի համար պայքարը, Բալկանյան պատերազմները, Առաջին համաշխարհային պատերազմը, հույն-թուրքական պատերազմը, հույն-իտալական պատերազմը, Արևելյան Մակեդոնիայում՝ Մետաքսի ճանապարհի վրա, 1941 թվականին հունական բանակի Հունական պաշտպանությունը, Կրետեի ռազմագործողությունը, Հունաստանի՝ գերմանա-իտալա-բուլղարական եռակի օկուպացումը և Հունական դիմադրությունը, հունական բանակի մասնակցությունը միութենական ռազմագործողություններին Հյուսիսային Աֆրիկայում, Իտալիայում, Նորմանդիայում, երկրի ազատագրումը զավթիչներից։ Բացի ցուցադրության սրահներից՝ Ռազմական թանգարանն իր տրամադրության տակ ունի նաև ամֆիթատրոն, բազմաֆունկցիոնալ սրահ և պատմական ու ռազմական հարուստ գրադարան։ Պաշտպանության նախարարության, Ռազմական պատմության դեպարտամենտի և Ռազմական թանգարանի բոլոր հրատարակությունները վաճառվում են թանգարանի գրախանութում[2][3]։ Բաց երկնքի տակ՝ թանգարանի շենքի առջև, տեղակայված են զրահատեխնիկայի, ինքնաթիռների և տորպեդների[4] ցուցադրանմուշներ։
Պատկերասրահ
[խմբագրել | խմբագրել կոդը]-
Արտեֆակտներ Նիկոլաոս Նիկոլտսոսի հավաքածուից -
Արտեֆակտներ Վասիլիս Նիկոլտսոսի հավաքածուից -
Նկարների ցուցադրություն
Ծանոթագրություններ
[խմբագրել | խմբագրել կոդը]- ↑ Thessaloniki War Museum — Thessaloniki — Greece
- ↑ Museums of Macedonia web site
- ↑ «Creative CommonsAttribution-Share Alike 3.0 Unported license». Macedonian-heritage.gr. Արխիվացված է օրիգինալից 2016 թ․ ապրիլի 24-ին. Վերցված է 2012 թ․ սեպտեմբերի 29-ին.
- ↑ «Πολεμικό Μουσείο Θεσσαλονίκης». Արխիվացված է օրիգինալից 2013 թ․ հունիսի 19-ին. Վերցված է 2018 թ․ օգոստոսի 11-ին.
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Սալոնիկի ռազմական թանգարան» հոդվածին։ |