Elementos de periodo 2
Periodo 2 es le secunde periodo, (o rango) del tabella periodic. Illo contine le elementos lithium, beryllium, boro, carbon, nitrogeno, oxygeno, fluor, e neon. Iste situation pote esser explicate per theorias moderne de structura atomic. Secundo un description per le mechanica quantic de structura atomic, iste periodo corresponde al plenar del orbitales 2s e 2p. Elementos de periodo 2 obedi le regula de octetto in tanto que illos require octo electrones pro compler lor concha de valentia. Le numero maxime de electrones que iste elementos pote allogiar es dece: duo in le orbital 1s, duo in le orbital 2s, e sex in le orbital 2p. Tote le elementos del periodo pote formar moleculas diatomic excepte beryllium e neon.
Tendentias periodic
[modificar | modificar fonte]Le tabella periodic se presenta in rangos pro illustrar tendentias recurrente (periodic) in le conducta chimic del elementos a mesura que lor numeros atomic augmenta: un rango nove se comencia quando conducta chimic comencia repeter, significante que elementos con conducta similar se alinea in le mesme columnas vertical.
Periodo 2 es le prime periodo in le tabella periodic de que tendentias periodic se pote tirar. Periodo 1, que contine solo duo elementos (hydrogeno e helium) es troppo parve pro tirar alicun tendentias conclusive de illo, specialmente proque le duo elementos non se comporta del toto como le elementos altere del bloco s. Periodo 2 ha tendentias multo plus conclusive. Pro omne elementos in periodo 2, a mesura que le numero atomic se augmenta, le radio atomic del elementos se diminue, le electronegativitate se augmenta, e le energia de ionisation se augmenta.[1]
Periodo 2 ha solo duo metallos, (lithium e beryllium), significante que illo es le periodo le minus metallic e le que contine le plus nonmetallos, con quatro. Le elementos in periodo 2 frequentemente ha le proprietates le plus extreme in lor gruppos respective; pro exemplo, fluor es le halogeno le plus reactive, neon es le gas noble le plus inerte, e lithium es le metallo alcalin le minus reactive.[2]
Omne elementos de periodo 2 completemente obedi le regula de Madelung; in periodo 2s, lithium e beryllium plena le subconcha 2s, e boro, carbon, nitrogeno, exygeno, fluor, e neon plena le subconcha 2p. Le periodo possede in commun iste tracto con periodos 1 e 3, nihil que contine elementos de transition o elementos de transition interne, que frequentemente varia del regula.[2]
Referentias
[modificar | modificar fonte]- ↑ (2009) Chemistry: Principles and reactions, sixth, Belmont, CA: Brooks/Cole Cengage Learning, 24–42. ISBN 978-0-495-12671-3.
- ↑ 2,0 2,1 Gray, Theodore (2009). The Elements: A Visual Exploration of Every Known Atom in the Universe. New York: Black Dog & Leventhal Publishers. ISBN 978-1-57912-814-2.
