Emphysema pulmonar

Emphysema pulmonar
instantia de: classe de maladias[*]
subclasse de: respiratory disease[*], emphysema[*], chronic obstructive pulmonary disease[*]
Commons: Pulmonary emphysema

Emphysema pulmonar: defini se como le aggrandimento abnornal e permanente del spatios distal al bronchiolos terminal accompaniate per destruction del pariete alveolar e sin fibrosis obvie. Le emphysema es un del entitates gruppate conjunctemente sub maladia pulmonar obstructive chronic (MPOC). Le emphysema pote esser evalutate de forma optime per Tomographia, benque pote exister indicios indirecte in le radiographias conventional in multe casos. Iste articulo tracta super le emphysema panlobular, le emphysema paraseptal e specialmente in le emphysema centrolobular.

Epidemiologia

Circa 210 milliones de gente es affectate in tote le mundo, lo que duce a 3 milliones de mortes annualmente. Il es typicamente un morbo que occurre a partir del secunde decennio del vita, pro le effecto cumulative de fumar e altere factores ambiental. Typicamente il affecta plus frequentemente a homines, sed a causa del exposition del mulieres al mesme factores de risco ambiental e de fumar, le incidencia es equal in ambe sexos. Le patientes con factors de risco genetic, tal como le deficientia de alpha-1-antitrypsina, pote presentar le maladia plus precocemente de accordo al phenotypo.

Factores de risco:

1. Fumar: le fundamental
2. Deficientia de alpha-1-antitrypsina
3. Injection intravenose de methylphenidato (pulmon de Ritalina)

Presentation clinic:

Le characteristicas clinic del emphysema debe esser distinguite ex le indicios e le symptomas del bronchitis chronic. Les patientes con emphysema es hypocapnoeic, sufflator rosate. In su loco, in le bronchitis chronic il ha hypercapnea e cyanosis, inflate blau. In le practica iste duo syndromes imbrica se e coexiste como MPOC. Typicamente les patientes plange se ex dyspnoea con pauc sputation.

Indicios de emphysema:

•  Tachypnoea
•  Absentia de cyanosis
•  Respiration de labios in bursa
•  Hyperinflation thoracic
•  Hyperresonantia al percussion
•  Cor pulmonale /corde pulmonar (tardive)

Pathologia

Le emphysema pertine a un gruppa heterogenee de processos pathologic gruppate sub MPOC e il mesme es un termino imprecise pro un numero de entitates e patronos morphological que include:

•  Subtypos morphologic
•  Emphysema centrolobular (le plus commun)
•  Emphysema panlobular
•  Emphysema paraseptal
•  Emphysema paracicatricial
•  Emphysema localisate
•  Emphysema gigante bullose idiopathic (syndrome del pulmon evanescente)
•  Emphysema lobar congenital
•  Emphysema pulmonar interstitial

empysema pulmonar

Le tres subtypos morphologic de emphysema nomina se de accuerdo a su relation con le lobulo pulmonar secundari: Le emphysema centrolobular es le typo plus frequente e affecta le brochiolos respiratori proximal, maxime in le zonas superior. Iste typo associa se al fumar de forma depedente del dose. Rarmente, le emphysema centrolobular severe pote esser vidite in le bases del pulmon in patientes con Maladia de Salla.

Le emphysema panlobular in su loco, affecta le lobulo pulmonar secundari e es plus seriose in le zonas inferior, correspondente al areas de fluxo sanguinee maximal. Il observa se typicamente in le deficientia de alpha-1-antitrypsina, in le injection intravenose de methylphenidato (Pulmon de Ritalina), e le Syndrome de Swyer-James.

Le emphysema paraseptal affecta le partes peripherical del lobulo pulmonal recundari, e locate juxta al superfacies pleural (fissuras pleural). Il etiam associa se al fumar e pote ducer al formation de bullas subpleural e pneumothorax spontanee.

Indicios radiologic del emphysema pulmonar:

•  Hyperinflation:
•  Hemidiaphragmas aplattate
•  Radiotransparentia pulmonar augmentate
•  Spatio aeree retrosternal augmentate
•  Diametro anteroposterior del thorax augmentate
•  Spatios intercostal augmentate
•  Arcamento sternal

 Trachea in vaina de sabla

•  Tentamento del diaphragma.
•  Cambios vascular
•  paucitate del vasos sanguinee,
•  hypertension pulmonar arterial
• o putatura del vasos peripheric
• o calibre augmentate del arterias central

Il debe esser recordate que in le radiographia simple de thorax saepe le apparentia in le MPOC es normal e le role del radiographia de thorax es rejectar altere causas del symptomas pulmonar tal como infection, bronchiectasis o cancere.

radiographia de un emphysema

Tomographia

Hodie le tomographia es le studio de selection pro detectar le emphysema. Le tomographia de alte resolution es multe effective. Il debe mentionar se que ha pauc correlation inter le emphysema demonstrate per autopsia, le test de function pulmonar e le tomographia, con le 20% del casos demonstrate per pathologia sin indicios de emphysema in le tomographias e un 40% del patientes con tomographia abnormal con test de function pulmonar normal. Le tomographia es capace a distinguir inter le emphysema centrolobular, le panlobular e le paraseptal.

Emphysema centrolobular

Il es le typo plus commun, e es un discoperta commun in patientes ancian asymptomatic. Il loca se in le zonas superior de cata lobulo (i.e. segmentos apical e porterior del lobulos superior, e segmento superior del lobulos inferior) e ha un distribution non uniforme. Il appare como transparentias focal (spatios emphysematose) que mesura usque 1 cm de diametro, locate centralemente in le lobulo pulmonar secundari, saepe con un puncto central o peripheric que representa le fasce bronchovascular central.

Emphysema panlobular

Le emphysema panlobular loca se principalmente in le lobulos inferior, ille ha un distribution uniforme trans le partes del lobulo pulmonar secundari.

Emphysema paraseptal

Il loca se juxta le pleura e le lineas septal con un localisation peripheric intra le lobulo pulmonar secundari. Le lobulos affectate es semper subpleural, e monstra parve transparentias focal de usque 10 mm. Cualqunque trasparentia major a 10 mm debe informarse como bullas subpleural. Necun typo de spatio emphysematose ha pariete demonstrabile.

histo de pulmon emphysematose

Imagines pro resonantia magnetic (IRM) Le IRM es in phase de recerca pro le evaluation del abnormalitates parenchymatose como le emphysema. Le IRM con respiration dynamic ha un loco future in le evaluation del emphysema pulmonar.

Tractamento e prognosis

Infortunatemente, quando le histo pulmonar perde se, non recresce. Le tractamento es inde de susteno e con le objectivo a preservar le cetere parenchyma pulmonar. Le interventiones es:

•  cessation del fumar
•  therapia de oxygeno (in caso de hypoxemia chronic)
•  controlo del symptomas e le exacerbations:
• o beta2-agonistas de curte o longe duration

o anticholinergicos inhalate o glucocorticoidos inhalate o antibioticos  rehabilitation pulmonar In patientes con bullas severe con compresion del parenchyma pulmonar normal, debe considerar se Therapia de reduction del volumine pulmonar. Le prognosis es pejor in patientes que continue a fumar, ha deficientia de alpha1-antitrypsina, ha Volumine Expiratori Fortiate in un minuto (VEF1) quando le diagnose o ha altere comorbos (e.g. insuficientia cardiac, insuficientia respiratori, exacerbationes frequente)

Diagnose differential: face se con le maladias cystic pulmonar, in iste typo de morbos ha semper parietes visibile.  Lymphangiomatosis  Histiocytosis pulmonar de cellas de Langerhans: pote coexister con emphysema  Pulmon de favo.