Henrico IV de Francia
Henrico IV de Francia (in francese Henri IV; Pau, Regno de Navarra le 13 de decembre 1553 – Paris, Regno de Francia le 14 de maio 1610) esseva le rege de Navarra (como Henrico III) ab 1572 e le rege de Francia ab 1589, usque su morte. Ille esseva le prime monarcha francese del Dynastia Bourbon.
Le filio de Antoine de Bourbon, Duce de Vendôme e Jeanne d'Albret, le regina de Navarre, ille esseva baptisate como un catholico ma elevate como un protestante e huguenot per su matre. Ille hereditava le corona de Navarra quando su matre moriva in 1572. Henrico participava in le Guerras Francese de Religion; ille escappava per un pilo le massacro del Sancte Bartholomeo. Henrico esseva un descendentia de Ludovico IV e un parente distante del ultime tres reges del Dynastia Valois. Ille deveniva le hereditario legal al corona francese in 1584, quando le fratre de Henrico III moriva.
Ille hereditava le corona francese quando Henrico III esseva assassinate in 1589. Ille confrontava opposition forte del Liga Catholic a causa de su fide protestante. Post quatro annos de guerra, ille faceva le decision pragmatic de converter al catholicismo (suppositemente ille diceva "Paris vale ben un missa."). Isto adjutava su consolidation de potentia. Ille introduceva un politica de tolerantia religiose, que esseva insolite in Europa durante iste era. Le Edicto de Nantes de 1598 confirmava alicun tolerantia al protestantes e finiva le guerras de religion. Ille executava reformas pro meliorar le financias del governamento, reducer corruption e incoragiar agricultura e education. Ille etiam comenciava le colonisation francese de America in Arcadia e Quebec.
Henrico confrontava multe opposition durante su regno. Alicun catholicos le considerava un usurpator e alicun protestantes le considerava un traitor. Il habeva al minus 12 complotes fallite contra su vita. In 1610, ille esseva assassinate per François Ravaillac, un fanatico catholic. Post su morte, su reputation se augmentava e ille deveniva supernominate Bon Rege Henrico (Le Bon Roi Henri). Iste imagine benevole veniva de su manniera affabile, su rolo in le fin del guerras, su tolerantia religiose e su attention al ben-esser del communes. Le seculo 18, ille esseva celebrate con un canto popular Vive Henri IV e in Henriade per Voltaire.
Linguas fonte
[modificar fonte]| Lingua | Nomine |
|---|---|
| anglese (en) | Henry IV of France |
| francese (fr) | Henri IV (roi de France) |
| espaniol (es) | Enrique IV de Francia |
| portugese (pt) | Henrique IV de França |
| italiano (it) | Enrico IV di Francia |
| germano (de) | Heinrich IV. (Frankreich) |
| russo (ru) | Генрих IV (король Франции) |
| latino (la) | Henricus IV (rex Francorum) |