Piano
| Piano |
|---|
| instantia de: typo de instrumento musical[*] |
| subclasse de: struck string instrument[*], keyboard instrument[*], true board zithers with resonator box[*] |
|
|
| data de creation: 1720 |
| Commons: Pianos |
Le piano[1] es un del instrumentos le plus popular. Un piano ha chordas que es colpate per martellos. Le manos sona le claviero, un rango de levatores que controla le martellos.
Le piano esseva inventate per Bartolomeo Cristofori le prime medio del seculo 18. Le designo disveloppava technologia del altere instrumentos como le organo e le clavicymbalo. Le piano a cauda, con chordas horizontal, es le forma original. Le piano vertical, con chordas vertical, esseva inventate un seculo plus tarde. Le secundo es plus popular proque illos ha advantages practical — dimensiones plus parve e precios minus car — al costo del volumine e del tono. Desde le medio del seculo 20, alcun pianos moderne ha componentes electric.
Usate extensivemente in musica classic pro executiones pro un solista, in ensembles, musica de camera e accompaniamento. Le piano es etiam multo popular como un adjuta al composition e probas. Ben que illo non es portabile e sovente costose, le versatilitate e ubiquitate del piano ha lo facite un del plus familiar instrumentos del mundo.
Etymologia
[modificar | modificar fonte]Le parola piano es un forma abbreviate de pianoforte, le parola italian pro le instrumento (que in vice deriva del termino previe "gravicembalo col piano e forte"). Le termino musical "piano" significa "quiete" e "forte" ha le mesme signification que in interlingua. Iste nomine refere a le possibilitate del instrumento a producer volumines varie dependente del tocca del pianista sur le claves: tanto forte un pression sur le clave, quanto grande le fortia de colpa del martello, e consequentemente quanto alte le nota producite. Isto esseva un novellitate in le 18e seculo proque le previemente dominante instrumento de claviero, le clavicymbalo, solo poteva sonar a un fixate nivello de sono.
Mechanico
[modificar | modificar fonte]Le piano es sonate per medio de un claviero. Pressante un clave en le claviero del piano causa un martello coperite per feltro a colpar cordas de aciero. Le martellos resalta, permittante le cordas a vibrar a lor frequentias resonatori. Iste vibrationes es transmittite trans un ponte a un tabula de sono que traduce le energia acustic a in le aria plus efficaciamente. In altere caso, le sono no esserea plus forte que lo producite directemente de le cordas. Quando un clave es lassate, un amortisator cessa le vibration del corda.
Classification
[modificar | modificar fonte]In le systema de classification del instrumentos musical de Hornbostel-Sachs, le piano es considerate como un chordophono.