Prepektura ti Aichi
Prepektura ti Aichi
愛知県 | |
|---|---|
| Dagiti transkripsion a Hapon | |
| • Hapon | 愛知県 |
| • Rōmaji | Aichi-ken |
 Simbolo ti Prepektura ti Aichi | |
 | |
| Nagsasabtan: 35°10′49″N 136°54′23″E / 35.18017°N 136.90642°ENagsasabtan: 35°10′49″N 136°54′23″E / 35.18017°N 136.90642°E | |
| Pagilian | Hapon |
| Rehion | Chūbu |
| Isla | Honshu |
| Kapitolio | Nagoya |
| Gobierno | |
| • Gobernador | Hideaki Ōmura (manipud idi Pebrero 2011) |
| Kalawa | |
| • Dagup | 5,153.81 km2 (1,989.90 sq mi) |
| • Ranggo | Maika-28 |
| Populasion (Pebrero 1, 2011) | |
| • Dagup | 7,408,640 |
| • Ranggo | Maika-4 |
| • Densidad | 1,437.51/km2 (3,723.1/sq mi) |
| Kodigo ti ISO 3166 | JP-23 |
| Distrito | 7 |
| Munisipalidad | 54 |
| Sabong | Kakitsubata (Iris laevigata) |
| Kayo | Hananoki (Acer pycnanthum) |
| Billit | Scops-owl (Otus scops japonicus) |
| Ikan | Kuruma prawn (Penaeus japonicus) |
| Website | pref.aichi.jp/global/en |
Ti Prepektura ti Aichi (愛知県, Aichi-ken) ket maysa a prepektura ti Hapon a mabirukan idiay rehion ti Chūbu.[1] Ti rehion ti Aichi ket ammo pay a kas ti rehion ti Tōkai. Ti kapitoliona ket ti Nagoya. Isu daytoy ti sentro ti Metropolitano a Lugar ti Chūkyō.[2]
Pakasaritaan
[urnosen | urnosen ti taudan]Iti kasisigud, ti rehion ket nabingbingay idi kadagiti dua a probinsia ti Owari ken Mikawa.[3] Kalpasan ti Restorasion ti Meiji, ti Owari ken Mikawa ket naipagtipon iti maysa nga entidad. Idia 1871, kalpasan ti panagwaswas ti sistema ti han, ti Owari, malaksid ti Peninsua Chita, ket nabangon idi a kas Prepektura ti Nagoya, bayat a ti Mikawa a naipagtipon iti Peninsula Chita ket pinorma ti Prepektura ti Nukata. Ti Prepektura ti Nagoya ket nanaganan manen idi iti Prepektura ti Aichi idi Abril 1872, ken naitipon idi iti Prepektura ti Nukata idi Nobiembre 27 iti isu met laeng a tawen.
Ti gobierno ti Prepektura ti Aichi ket mabirukan idiay Opsina ti Gobierno ti Prektura ti Aichi idiay Nagoya ken isu daytoy idi ti daan a kapitolio ti Owari.
Etimolohia
[urnosen | urnosen ti taudan]Iti maikatlo a tomo ti Man'yōshū adda daniw babaen ni Takechi Kurohito a mabasa iti kastoy: "Ti sangit ti kannaway, a tumawtawag iti Sakurada; daytoy ket aguni a kas ti atab nga agy-ayus manipud kadagiti kalugnakan ti Ayuchi, a makangkangeg iti sangit ti kannaway". Ni Ayuchi ket isu ti kasisigud a porma ti nagan nga Aichi, ken ti atab ti Fujimae ket isu laengen ti nabati iti nasapsapa nga Ayuchi-gata. Daytoy ket nasalaknibanen a lugar.[4][5]
Heograpia
[urnosen | urnosen ti taudan]
Mabirukan daytoy iti asideg a sentro ti nangruna nga isla ti Hapon iti Honshu, ti Prepektura ti Aichi ket sanguenna ti Ise ken Luek Mikawa iti abagatan ken pagbeddenganna ti Prepektura ti Shizuoka iti daya, ti Prepektura ti Nagano iti amianan a daya, ti Prepektura ti Gifu iti amianan, ken Preektura ti Mie iti laud. Daytoy ket agrukod iti 106 km iti daya aginggana iti laud ken 94 km iti abagatan aginggana iti amianan ken mangporma iti nangruna a paset iti Tanap Nōbi. Iti kalawa iti 5,153.81 km2 daytoy ket mangsakop iti agarup a 1.36% iti dagup a kalawa ti rabaw ti Hapon. Ti kangatuan a punto ket ti Chausuyama iti 1,415 m iti ngato ti pantar ti baybay.
Ti akinlaud a parte ti prepektura ket kaaduan babaen ti Nagoya, ti maikatlo a kadakkelan a siudad ti Hapon, ken dagiti suburbiona, bayat a ti akindaya a partena ket saan unay a matagtagitao ngem aglaon pay met kadagiti industrial a sentro. Gapu ti kadur-as ti ekonomiana, manipud idi paset ti panawen idi Oktubre 2005 aginggana idi Oktubre 2006, ti Aichi ket isu idi ti kapardasan a dumakdakkel a prepektura iti termino iti populasion, ken inabakna ti Tokyo, iti 7.4 a porsiento.
Manipud idi Abril 1, 2012, 17% iti dagup a kalawa ti daga ti prepektura ket naidesignado idi a kas dagitiNatural a Parke, a kas dagiti nailian a parke ti Aichi Kōgen, Hida-Kisogawa, Mikawa Wan, ken ti Tenryū-Okumikawa iti igid dagiti pito Prepektural a Nailian a Parke.[6]
Dagiti siudad
[urnosen | urnosen ti taudan]Adda dagiti tallopulo ket walo a siudad a mabirukan iti Prepektura ti Aichi.
|
|
|
|
|
|
|
|
|
Dagiti ili ken dagiti purok
[urnosen | urnosen ti taudan]
Dagitoy dagiti ili ken dagiti purok iti tunggal maysa a distrito:
|
|
|
|
|
Demograpia
[urnosen | urnosen ti taudan]Manipud idi 2001, ti populasion idi ti Prepektura ti Aichi ket 50.03% a lallaki ken 49.97% a babbai. Dagiti 139,540 nga agtataeng (gangani 2% iti populasion) ket dagiti ganganaet iti pakipagilian.
Populasion babaen ti tawen(2001)
[urnosen | urnosen ti taudan]| Tawen | % populasion | % lalaki | % babai |
|---|---|---|---|
| 0 – 9 | 10.21 | 10.45 | 9.96 |
| 10 – 19 | 10.75 | 11.02 | 10.48 |
| 20 – 29 | 15.23 | 15.71 | 14.75 |
| 30 – 39 | 14.81 | 15.31 | 14.30 |
| 40 – 49 | 12.21 | 12.41 | 12.01 |
| 50 – 59 | 15.22 | 15.31 | 15.12 |
| 60 – 69 | 11.31 | 11.22 | 11.41 |
| 70 – 79 | 6.76 | 6.01 | 7.52 |
| Over 80 | 3.12 | 2.01 | 4.23 |
| Di ammo | 0.38 | 0.54 | 0.23 |
Dagiti nagibasaran
[urnosen | urnosen ti taudan]- ^ Nussbaum, Louis-Frédéric. (2005). "Aichi-ken" Japan Encyclopedia, p. 11, p. 11, iti Liblibro ti Google; "Chūbu" Japan Encyclopedia, p. 126, p. 126, iti Liblibro ti Google.
- ^ Nussbaum, "Nagoya" p. 685, p. 685, iti Liblibro ti Google.
- ^ Nussbaum, "Provinces and prefectures" Japan Encyclopedia, p. 780, p. 780, iti Liblibro ti Google.
- ^ "Summary of Aichi Prefecture". Aichi Prefecture. Naala idi 23 Marso 2011.
- ^ Kato, Sadamichi (2000). "Rediscovering an Ancient Poem to Save a Tidal Flat". International Studies in Literature and Environment. Oxford University Press. 7 (2): 189–197. doi:10.1093/isle/7.2.189.
- ^ "General overview of area figures for Natural Parks by prefecture" (PDF). Ministry of the Environment. Naala idi 8 Hulio 2012.
Dagiti akinruar a silpo
[urnosen | urnosen ti taudan]
Dagiti midia a mainaig iti Prepektura ti Aichi iti Wikimedia Commons
Pakaammo ti panagbiahe idiay Prepektura ti Aichi manipud iti Wikivoyage (iti Ingles)- Opisial a website
| Sapasap | |
|---|---|
| Dagiti nailian a biblioteka | |
| Dagiti sientipiko a database | |
| Dadduma | |
