Joseph Goebbels
| Joseph Goebbels | ||
| ||
Ministro por Propagado e Kancelero di  Germania
| ||
| Guvernisteso: | de la 11ma di marto 1933 til ilua morto | |
| Precedanto: | Adolf Hitler | |
| Sucedanto: | Lutz Schwerin von Krosigk | |
| Guvernisteso: | de la 30ma di aprilo til la 1ma di mayo 1945 | |
| Precedanto: | Adolf Hitler | |
| Sucedanto: | Lutz Graf Schwerin von Krosigk | |
| Personal informi | ||
| Naskodato: | 29 di oktobro 1897 | |
| Naskoloko: | Mönchengladbach, Germania | |
| Mortodato: | 1 di mayo 1945 | |
| Mortoloko: | Berlin | |
| Spozo: | Magda Quandt | |
| Profesiono: | Politikisto | |
| Politikala partiso: | NSDAP | |
Paul Joseph Goebbels (1897 til 1945) esis politikisto, propagado-ministro di nacional-socialista Germania.
Biografio
[redaktar | redaktar fonto]Goebbels naskis en katolika familio e, dum ilua yuneso ilu havis inflamuro en pulmoni e deformo en lua dextra pedo, pro infekto en l'osto, kande il evis 4 yari. Ilu subisis operaco por fixigar la problemo, sensucese. Ilu mustis portar metala apogilo sur lua gambo dum preske tota lua vivo. Pro ke lua dextra gambo esis plu kurta, ilu refuzesis dal armeo kande il voluntis por dejurar dum la komenco dil unesma mondomilito.
Ilu obtenis doktoresodiplomo pri literaturo e pose pri filozofio del Universitato di Heidelberg en 1921. Il laboris kom jurnalisto e probis dum multa yara divenar skriptisto. Inter lua verki esis novelo nomizita Michael. En 1924 ilu juntis su a Naziista partiso, e laboris por Gregor Strasser en la nordo di Germania.
Ma Adolf Hitler konvinkis lu ne atakar importanta milita industriisti krucala suporto dil partiso. Elektita de legifanta elekti ye mayo 1928, Goebbels esis un ek la dekedu unesma deputati di NSDAP siejar en Reichstag.
- Ni eniras a Reichstag [...] kom du volfi en la muton-stablo. skribis il en Angriff, la jurnalo qua ilu fondis en 1927.
En decembro 1931, pos agitata kurtezo, il spozis divorcita Magda Quandt do filiulo Harald (de antea mariajo ad industriisto) esis la nura ek la 7 filii de Magda qua transvivis la duesma mondomilito. Magda esis multe atraktita da Hitler, qua esas la precipua ceremonio-testo. El judikesis kom modelo di sana valori dal rejimo.
Il havis intensa mentala ligilo kun Lída Baarová, ma Hitler ne lasis ilu ruptar lua mariajo kun Magda.
Ye la 11ma di marto 1933 il divenis ministro pri informo e propagado pro talentozo kom diskursisto e retorikisto. Lua rolo esas importanta en l'instalo dil diktatoreso e la difuzo di ordero-vorti.
|
Se onu ridicas neverajo multafoye, to divenas verajo. | 
|