Kalkuta
| Kalkuta | ||
| ||
| Kelk imaji pri Kalkuta. | ||
| ||
| Standardo | ||
| Lando: |  India
| |
| Regiono: | Westal Bengal | |
Informo:
| ||
| Latitudo: | 22°34'22"N | |
| Longitudo: | 88°21'50"E | |
| Altitudo: | 9 m | |
| Surfaco: | 206,08 km² | |
| Habitanti: | 4 496 694 (2011) | |
| Denseso di habitantaro: | 21 820,14 hab./km² | |
| Horala zono: | UTC+5:30 | |
| Urbestro: | Firhad Hakim | |
Mapo:
| ||
| ||
Oficala retosituo:
| ||
| http://www.kmcgov.in | ||
Kalkuta (en Bengali, কলকাতা, Kolkata; til 2001 Calcutta) esas chef-urbo di Indiana stato Westal Bengal. Segun la demografiala kontado di 2011, ol havis 4 496 694 habitanti. Lua metropolala region havis 14 112 536 habitanti ye la sam yaro.
Kolkata esas la precipua komercala, kulturala ed edukala centro di estal India, e lua portuo esas la maxim anciena de la lando. Ol esis chef-urbo di Britaniana India til 1911, kande Nova-Delhi remplasis ol. L'arkitekturo dil urbo havas importanta historiala monumenti, exemple Memorialo Victoria, la ponto Howrah e la hotelo Grand Hotel.
Geografio
[redaktar | redaktar fonto]
Kalkuta distas cirkume 75 km weste de la frontiero kun Bangladesh e 154 km norde de gulfo di Bengal. Lua reliefo esas plana, jacanta an la sinistra rivo di fluvio Hooghly. Lua altitudo varias de 1,5 til 9 metri super la marala nivelo.
Lua sulo havas aluvionala origino. La sedimenti formacas tabulo ek argilo, gravio e sablo.
La klimato dil urbo esas tropikala influata da musono (Aw segun la klimatala klasifikuro da Köppen). La mezavalora yarala temperaturo esas 26,8 °C. En januaro, la maxim kolda monato, temperaturi varias de 12 °C til 23 °C.
La mezavalora yarala pluvo-quanto dil urbo esas 1813,3 mm. Someri esas varma e humida, e la maxim pluvoza monato esas agosto, kun mezavalore 372,1 mm. La sika sezono iras de novembro til aprilo, kande pluvas min kam 40 mm omnamonate. Kalkuta jacas en zono kun granda risko por eventar tropikala cikloni.
Fratala urbi[1]
[redaktar | redaktar fonto]- Long Beach, Kalifornia,
Usa - Dallas, Texas, Usa
- Jersey City, Nova-Jersey, Usa
- Dhaka,
Bangladesh - Odesa,
Ukraina - Napoli,
Italia - Thesaloniki,
Grekia - Incheon,
Sud-Korea - Kunming,
PR Chinia
Referi
[redaktar | redaktar fonto]- ↑ Mazumdar, Jaideep:A tale of two cities: Will Kolkata learn from her sister? Publikigita da Times of India. Loko di publikigo: New Delhi. Dato di publikigo: 17ma di novembro 2013. URL vidita ye 17ma di novembro 2013.