Printempo
Printempo (de Latina vorti primus (= unesma) e tempus (tempo) tra Franca vorto printemps, por signifikar la komenco di nova vivo pos vintro) esas un ek la quar sezoni dil yaro. Kande esas printempo en nordala misfero esas autuno en la sudala misfero, ed inverse. Ol eventas de la 20ma o la 21ma di marto til la 21ma di junio en nordala misfero, dum ke en sudala misfero ol eventas de la 22ma o la 23ma di septembro til la 21ma di decembro. En l'equinoxo di printempo la lumo di la dii duras cirkum 12 hori.
En tradicionala Chiniala kalendario, "printempo" (chun, 春) ne esas equivalanta al Europana: vice, ol konsistas ek la periodo de la fino dil vintro (pos la 4ma di februaro) til la komenco di somero (ye la 5ma di mayo), kun l'equinoxo proxime en la centro dil periodo. Simile, en Kelta tradiciono, printempo eventis de la komenco di februaro til la komenco di mayo.
Dum printempo, planti produktas nova folii ed anke flori, por atraktar animali, exemple insekti ed uceli, por permisar lua riproduktado. En kelka regioni, la fuzado di nivo en alta monti pro l'augmento di temperaturi dum la printempo povas efektigar inundadi.
| Sezoni dil yaro | ||
|---|---|---|
| Printempo · Somero · Autuno · Vintro | ||