ß

ẞß (нем. Eszett [ʔɛsˈtsɛt] либӧ scharfes S [ˈʃaɐ̯.fəs ˈʔɛs] — ёсь С) — латин анбурлӧн шыпас, бергалӧ немеч кывйын, пырся сӧмын кыдз ичӧт шыпас. Ыджыд ẞ пыдди тшӧкыда гижӧны SS либӧ SZ.

Шуанног — [s] кузь гора шыяс да дифтонгъяс бӧрын, дженьыд гора шыяс бӧрын гижӧны ss. 1906 восянь Швейцарияын да Лихтенштейнын шыпас оз вӧдитчыны, а пыр гижӧны ss.

История

ẞ кыдз лигатура ſʒ (кузь S + бӧжа Z)

Ыджыд ẞ

Шыпас артмӧма кыдзи лигатура ſz (кузь S + Z) либӧ ſs (кузь S + гӧгрӧс S).

Мукӧддырйи ß вӧдитчӧны шумер кывлӧн романизацияын š пыдди, кыдз [ʃ] шы пасйӧм.

XVIII нэмӧдз ß корсюрӧ вӧдитчисны латин кывйын ss пыдди:

clarißimus — clarissimus — медъюгыд

eße — esse — вӧвны

Важӧн ß гижисны литва кывйын Асыввыв Пруссияын, кыдз š [ʃ] шы пасйӧм.

Видзӧдӧй тшӧтш

β — эллин шыпас