Космоплан

Космоплан (space plane) – бир баскычтуу космос кемеси. Ал атайын адамдарды жана жүктү космоско алып чыгып, кайра жерге кайтып келет. АКШнын «Спейс шаттл» жана мурдагы советтик «Буран», европалык «Гермес» чындыгында Космоплан деп аталбайт. Анткени аларды космоско алып чыгуу үчүн ракета – алып жүргүч керек. Алдын ала иштелип чыккан кыймылдаткычтуу Космоплан атмосферада жана космосто учууга ылайыкталып, биринчи жолу АКШ, Англия, Германия (Космоплан Зенгера) жана Японияда жасалган. Германиялыктар менен япониялыктардын Космопланны азырынча идея катарында, ал эми америкалык Х–30 долбоору улантылууда.

Колдонулган адабияттар

• “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9