Порт-Вила
Порт-Вила — Вануатунун борбору (1906-жылдан) жана ири шаары. Тынч океандын түштүк-батыш бөлүгүндө, Эфате аралынын түштүк-батышында (Меле пляжында) жайгашкан. Климаты тропиктик. Январдын орточо температурасы 28°С, июлдуку 24°С. Өлкөнүн экономикалык башкы борбору. Калкы 47,5 миң (2010). Эл аралык аэропорту бар. Порт (1972; круиз кемелерин кабыл алат). 2009-жылы шаардын 200 жылдыгы болуп, андан соң Орусия менен болгон дипломатиялык мамилелери жакшырып, шаардын борбордук бөлүгүнө орус деңиз саякатчысы В. М. Головинге эстелик тургузулган. Эт, балык белендөөчү ишкана иштейт. Педагогикалык институт, Түштүк Тынч океан университетинин кампусу, китепкана бар. 2002-жылы катуу жер титирөө болгон. Туризм өнүккөн.
Булактар
[түзөтүү | булагын түзөтүү]- “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117-9
| Австралия жана Океания өлкөлөрүнүн борборлору | |
|---|---|
| Эгемендүү мамлекеттердин борборлору | Апиа • Веллингтон • Канберра • Мажуро • Нгерулмуд • Нукуалофа • Паликир • Порт-Вила • Порт-Морсби • Сува • Фунафути • Хониара • Түштүк Тарава • Ярен |
| Көз каранды аймактардын борборлору | Аваруа • Адамстаун • Алофи • Кингстон • Мата-Уту • Нумеа • Паго-Паго • Папеэте • Сайпан • Хагатна |
