Tatari

Sedes hodiernae Tatarorum

Tatari (ipsorum lingua Tatar vel Törk-Tatar, Pl. Tatarlar vel Törk-Tatarları appellati) sive – antiquius – Tartari a Medio Aevo est appellatio, quae in variis gentibus denotandis adhibita est. Medio Aevo imprimis greges Mongolici, qui Cingischam duce Europam orientalem populati sunt, ita vocati sunt ("qui e Tartaro veniunt").

His diebus hoc nomen imprimis ad gentem Turcicam denotandam, quae multas partes Eurasiae et maxime rem publicam Russicam nomine Tatarstan inhabitant, in usu est.

Tatari - unum nomen pro multis gentibus

Nomen Tatarorum multis in rebus adhibetur. Tatari (sive plerumque Tartari) nominabantur sive nominantur:

• Medio Aevo homines linguae Turcicae regiones, quae a lacu Baikal in merdiem et orientem spectant, incolentes. Saeculo decimo tertio imprimis eas habitabant regiones, quae inter Kerulenem inferiorem et Amur flumina sunt, qua de causa et Tatari Kerulenses appellantur.
• Usque ad Novum Aevum ineuntem gentes linguae Tungusicae orientem Sibiriae et boreo-orientem hodiernae Rei Publicae Popularis Sinarum inhabitantes.
• Ante Unionem Sovieticam conditam (1922): Variae gentes linguae Turcicae in territorio Russico viventes, inter alias Azerienses, Nogaici, Kazachi, Chakassi et multae aliae.
• Tatari Crimenses et Tatari Scythiae Minoris illis propinqui, quorum autem lingua ad alium ramum linguarum Turcarum pertinet.
• Musulmani in Lituania, Polonia et Ruthenia Alba, qui partim sunt progenies Tatarorum Crimensium, sed hodie Ruthenica Alba vel aliis linguis loquuntur.
• Musulmani Finniae Tatari Finnici appellantur.

Homines noti

• Gabdulhaj Achatow, scientificus, philologus, turkologista, orientalista.
• Carolus Bronson, actor americanus
• Rudolphus Nureyev, saltator "Ballet" artis sovieticus

Nexus interni

• Tataria
• Tatari Crimenses
• Mongoli

Notae

Nexus externi

Vicimedia Communia plura habent quae ad Vestimenta Tatarica spectant.