Nicolas Ernest Barblé
| Nicolas Ernest Barblé | |
|---|---|
| Gebuer |
17. Mee 1837 Éibeng |
| Gestuerwen |
28. September 1915 Lëtzebuerg |
| Nationalitéit | Belsch, Lëtzebuerg |
| Aktivitéit | Ingenieur, Politiker |
| Famill | |
| Kanner | Ernest Barblé, Grégoire Barblé |
 | |
De Jean Nicolas Ernest Barblé, gebuer de 17. Mee 1837 zu Éibeng (Belsch) a gestuerwen den 28. September 1915, war en Ingenieur a Politiker.
Hie war vun 1904 bis 1914 Schäffen an der Stad Lëtzebuerg[1].
Liewen
[änneren | Quelltext änneren]Den Nicolas Ernest Barblé huet als Ingenieur d'Eisebunnsstreck Lëtzebuerg - Réimech geplangt an d'Aarbechten dovun iwwerwaacht. Hie war och fir aner Eisebunnsstrecke responsabel, sou z. B. fir d'Streck Lëtzebuerg - Péiteng, den Tunnel bei Habscht, Strecken am Minett, d'Streck Bukarest - Galati a Rumänien (zesumme mat sengem Bouf Grégoire), d'Tramsstreck Den Haag - Scheveningen (Holland),an den Tram vun Oudenaarde (Belsch). Tëscht 1881 an 1888 huet hien an Algerien déi ronn 250 km-laang Streck Mostaganem - Relizane - Tiaret realiséiert[2].
Hie war de Grousspapp vum lëtzebuergeschen Ingenieur Paul Barblé.
Privates
[änneren | Quelltext änneren]Den Nicolas Ernest Barblé war mat der Sophie Denis († 15.11.1925) bestuet; d'Koppel krut zwéi Bouwen, de Pierre Joseph Ernest († 2.4.1935) an de Grégoire (1868 – 1936).
Éierungen
[änneren | Quelltext änneren]Fir un den Nicolas Ernest Barblé z'erënneren, huet de Stater Schäfferot den 28. Januar 1957 decidéiert, eng Strooss um Belair-Nord no him ze nennen: d'Rue Nicolas Ernest Barblé[3].
Um Spaweck
[änneren | Quelltext änneren]| Commons: Nicolas Ernest Barblé – Biller, Videoen oder Audiodateien |
Referenzen an Notten
[Quelltext änneren]- ↑ (de)Evy Friedrich, Paul Ruppert, Was bedeuten die Straßennamen der Stadt?. onsstad.vdl.lu (1980). Gekuckt de(n) 29.09.2024.
- ↑ Barblé Ernest, père (Jean-Nicolas Ernest), ingénieur, Luxembourg. www.industrie.lu. Gekuckt de(n) 29.09.2024.
- ↑ (fr)Archives Ville de Luxembourg. www.archives-vdl.findbuch.net. Gekuckt de(n) 29.09.2024.