Felipe 2

Felipe 2 (21 maio 1527 – 13 setembre 1598) ia es la re de Espania de 1556 a 1598 e de Portugal de 1581 a 1598. De 1554 el ia es la re de Napoli e Sisilia e la duxe de Milano. Cuando el ia es sposida a rea Mary 1 (1554–58), el ia es ance la re de England e Er. De 1555, el ia es la renor de la 17 Provinses de Nederland.

En Espania, el ia es nomida Felipe el Prudente ("Felipe la cauta"), e sua impero ia inclui teritorios en cada continente alora conoseda par europeanes, incluinte la Pilipinas, isolas nomida per el. En sua rena, Espania ia ateni la culmina de sua potia e influe, un tempo nomida "la eda oro".

En la rena de Filipe, la governa ia sufri bancarotas separada en 1557, 1561, 1569, 1575 e 1596, un de la causas de la declara de autonomia de la Republica de Nederland en 1581. Como un catolica relijiosa, Felipe ia es ance conoseda per organiza un mision marinal enorme contra England en 1588, la Marina de Espania. Ma la ataca ia fali dramosa.

La marina de Espania ia es reconstruida. An si England ia pote evita la invade, lo no ia pote profita de esta. Un ataca a Espania ia fali grande. Plu, atentas par England per saisi teritorios en la Mar Caribe no ia susede.

Felipe 2 ia mori de canser en El Escorial, prosima a Madrid, a 13 setembre 1598. El ia es segueda par sua fio (e sobrino) Felipe 3.