Gonduana
Gonduana ia es un continente cual ia esiste de sirca 550 milion anios ante aora (maa), asta la jurasica, sirca 180 milion anios ante aora. Lo ia es formida par la ajunta de alga cratones. Lo ia comensa sirca 800 - 650 maa con la colide de India e Madagasicara con Africa este, e ia es completida entre sirca 600 a 530 maa con la colide de America Sude con Africa, e la ajunta de Australia e Antartica. Ultima, Gonduana ia deveni ia peso la plu grande de crosta continental de la era paleozoica, covrente sirca 100 milion km2. En la periodo carboniferosa, lo ia fusa con Euramerica per formi la supercontinente Pangea.
Antartica ia es la sentro de Pangea, e ia comparti bordas con tota otra continentes, e la frati de Gonduana ia prosede, en la ordina de la orolojia, sirca lo en la mesozoica. La rompe de Pangea ia comensa sirca 160-180 maa, en la jurasica. Prima, un fonda maral formi entre Madagasicara e Africa, sirca 150 maa.
Un otra fonda maral - la comensa de la Mar Indian - ia comensa sirca 120 maa. Gonduana este, composada de Antartica, Madagasicara, India e Australia ia separada de Africa.
la abri de la Mar Atlantica sude ia comensa sirca 100 maa (ma la dato es ancora debateda), e separa Africa e America Sude. Plu tarda, America Sude ia es liada a America Norde par la Istmo de Panama, cual preveni la sirculi de acua calda e alora causa ce la Artica deveni plu fria. Ance importante es ce la lia ia permete la Intercambia Grande American, pd la move de plantas e spesial animales de un continente a la otra.
Sirca 70 maa, la sucontinente indian ia comensa colide con Asia sirca esta tempo, liscante a su la plata de Asia e leva lo per crea la Himalaias e la multe alta Plato Tibetan. En America Sude en la jurasica e cretasica temprana, la plata pasifica sumerji su la continente e leva la Andes. Sirca 40 e 30 maa, Australia ia separa de Antartica, e comensa developa sua climas multe diferente.
En la jurasica, plantas ia es dominada par la familias de coniferes e otra gimnospermas cual ia developa en la triasica. la cretasica ia vide la ariva de la anjiospermas, pd la plantas florinte, cual ia evolui probable en Gonduana ueste (pd Africa-Sude America).
Dinosauros ia continua flori, ma, cuando la anjiospermas diversi, la coniferes e otra gimnospermas ia desapare de Gonduana, sirca 115 maa, con la dinosauros ornitiscian, ci ia spesiali como erbivores. La familias de dinosauros cual ia resta como jeneraliste, como la familias de sauriscia, ia comensa domina. Final, la aveni de estingui de la cretasica-paleojen ia mata tota dinosauros estra avias, ma la evolui de plantas en Gonduana ia es apena afetada.