Lago Balcax
Lago Balcax es un la lagos la plu grande en Asia, e la lago 15 en la mundo. Lo es locada en Asia sentral en Cazacstan sude-este, e es un parte de un basin endoreica (cluida) compartida par Cazacstan e Xina, con un parte peti en Cirgistan. La basin drena en la lago par sete rios, de cual la plu grande es la Rio Ili. Ili es plenida par presipe, spesial la fonde de neva en la montes de la rejion Xinjiang de Xina.
La lago covre a esta tempo un area de sirca 16,400 km2. Ma, como la Mar Aral, lo es diminuinte como la resulta de la diverti de acua de la rios cual nuri lo. La lago es divideda par un streta en du partes: la parte ueste es acua dulse, en cuando la dui este es salosa. La parte este es promedia 1.7 veses plu profonda ca la parte ueste. La site la plu grande prosima a la lago es ance nomida Balcax e ave sirca 66,000 abitantes. La ativias xef en la area inclui mina, trata de minerales, e pexa.
An si la grandia de la lago es, tempora, cresente, on ave un conserna ce la lago es deveni plu basa, causada par deserti e ativia industrial.