Via tre
La via tre es un promove political simil a sentrisme, cual atenta reconsilia ideas de la ala destra e ala sinistra par promove un sintese, cual varia par nasion, de alga politicas economial de la destra sentral e alga politicas sosial de la sinistra sentral. Lo ia es creada como un reevalua de politicas political en promove progresante de la sinistra sentral como un responde a dutas regardante la vablia economial de la stato e la usa esesente de politicas economial interveniste cual ia es popularida par Keynesianisme, ma cual alora ia contrasta con la crese de popularia per libralisme economial e la destra nova. La via tre es promoveda xef par promoves sosial libral.
La via tre suporta la xerca per egalia plu grande en sosia tra ata per crese la distribui de capasias e donas produosa en cuando rejetante la redistribui de revenus como un modo de ateni esta gol. Lo asentua un obliga per bujetas en ecuilibria, furninte oportunia egal cual es combinada con un asentua sur obliga personal, la desentrali de potia governal a la nivel la plu basa posible, coraji e promove de coopera de asosias publica e privata, boni la furni de labor, investi en la developa umana, preserva de capital sosial, e proteje de la ambiente.
La via tre ia es criticada par conservistes, libralistes clasica, e libertaristes ci promove capitalisme nonrestrijeda. Lo ia es ance criticada par democratas sosial, sosialistes democrata, anarcistes, e comunistes como un tradi de la values de la sinistra.