Lithium

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Lithium is e sjemisch element mit 't symbool Li en 't atoeamnómmer 3. 't Is e zilverwit alkalimetaal.

Toepassinge

Lithiumcarbonaat en lithiumcitraat waeren es medicien gebroek bieje óngerdrökking van manie en depressie. Inne vouksmóndj waere dees mediciene slechs aangeduudj mitte naam vanne wirkzaam component ('t Li+-ion) Lithium.
Lithium wuuertj toepas in oplossinge veur wurmdjeoetwusjeling. 't Haet 'n groeate specifieke wurmdje.
't Li+-ion is biezunjer klein. 't Kan tösse de laoge indringe van inkel vaste stoffe mit 'n gelaogdje structuur. Dees interkalate zeen intersante matterjale veur druueg batterieje.
Lithium haet 'n hoeag elektrosjemisch potentiaal. 't Metaal wuuertj gebroek inne organische synthese.
De halogenide, wie lithiumchloried en lithiumbromied, zeen hygroscopisch en waeren es druuegmiddele gebroek.
't Stearaat is e väöl-gebroek smeermiddel bie hoeag temperature.
Lithium wuuertj toegeveug aan speciaal glaassaorte, wie glaas veur telescoopspegele. Ouch wuuertj 't toegeveug aan glaas veur 't hitsbestenjig te make.
De reactiviteit van lithium mit water wuuertj waal gebroek es energiebrón veur 't aandrieve van torpedo's.