Maria Hemelvaart
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
Maria-Hemelvaart of Maria ten hemel opnumming ies 'ne katholieke fièsdaag van de heilige Maria op 15 augustus. Herdach weurt dat Maria in de hemel woort opgenómme.
Legende en Viering
[bewirk | brón bewèrke]Apostele zouwe in 't graaf van Maria, in plaats van häör lief, blome en rukend kroed gevónge höbbe. Daorum weurt op 15 Augustus, ouch Slevrouwe-kroedwiejdaag geneump, de kroedwösj in de kèrk gewiejd. Dizze gewiejde kroedwösj zou besjerme tege ónwaer, krenkdes en koaj geiste.
In väöl (katholieke) leng, zoa-es Belsj, Pole, Frankriek, Luxemburg, Italië, Slovenië, Sjpanje en gedeiltelik in Duutsjland (Saarland en gedeiltes van Beiere) ies Maria-Hemelvaart 'ne wettelike fièsdaag.
In Antwerpe en umgeving, weurt op 15 augustus moderdaag (moederdag) gevierd.
'ne Andere kèrkelike fièsdaag ies Hemelvaart, dae gevierd weurt op de dónderdig veur Pinkstere. Dan weurt de hemelvaart van Christus herdach.
Mariafièste
[bewirk | brón bewèrke]Ander fièsdaag van Maria valle op:
- Maria-boodsjap op 25 miert. Ouch geneump de Annunciatie.
- Maria-keuningin op 22 augustus.
- Maria-bezeuk, of Visitatie woort gevierd op 2 juli, allewiel op 31 mei.
- Maria-geboorte op 8 september.
- Ónbevlekde óntvangenis van Maria op 8 december.
- Maria-leechmès op 2 februari.
- Mariamaonde zint de maonde mei en oktober.