Wuhan

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

Wuhan

Wuhan of Woehan is de houfstad vanne Sjinese pervinsje Hubei en de stad mitte meiste inwuners in 't centraal deil van det landj. De stad ligk bieje samevleujing vanne Jangtsekiang enne Han. Dao wone zón 6,5 miljoen luuj. Wuhan besteit oet drie stadsdeil: Wuchang, Hanyang en Hankou, en ligke oppe kruutsing vanne lien Tsjoengking - Sjanghai en Peking - Hongkong/Kanton.

Gesjiechte

De ieëste beweuning in 't gebied van Wuhan kump van 3000 jaor haer. Inne Han-dynastie woort Hanyang 'n bès drökke haveplaats. Inne derdje ieëw nao Chr. woorte moere geboewdj róntjelóm Hanyang (206 n.Chr.) en Wuchan (223 n.Chr.).

In 223 woort de Huanghelou, d'n Tore vanne Gael Kroenekraan, geboewdj.

In 1911 begós Sun Yat-sen mit zie gevolg ane Wuchang-opstandj dae toet mieër opstenj lèdje in Sjina; dezen opstandj waas gerich taenge de Mantsjoerische Qing-dynastie.

Wuhan waas de houfstad vanne linksen tak vanne Kuomingtang, gelèdj door Wang Jingwei, inne jaore twintjig.

In 2019 begós in Wuhan de oetbraak van 't COVID-19-virus, det daodoor ouch 't Wuhanvirus geneump wuuert.