Zuul (boewkunde)
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
'ne Zuul ies 'ne verticale sjtäönder van sjtein of hout, meistal um 'ne balk of 'n moer te drage of te ondersjteune.
In de klassieke boeworde woort de zuul onderverdeild in 'n basement ('t vootsjtök), de sjach ('t verticaal gedeilte) en 't kapiteel ('t bovesjtök). Alle onderdeile van de zuul höbbe hun eige, bie de tied en sjtielperiode aansjletend model en versering.
- Pilastersj zin haufzule of driekwaartzule, die in moere verwèrk zin en gedeiltelik nao boete sjteke. Zie höbbe dezelfde kènmerke es de echte zule oet dezelfde tied.
- Pilere zint weuste, massieve, dèks veerkentige sjtäöndersj.
- Bundelpilere woorte in Gotische kèrke toegepas.