Gioxeppe Gaibado
ZE-P
|
Sta paggina chie a l'è scrita in zeneize, co' ina grafia tipo quella do Prian do 1745 |
Ina föto de Gaibado into 1861
Gioxeppe Gaibado (Niçça, 4 luggio 1807 - Cravêa, 2 zugno 1882, it: Giuseppe Garibaldi), generâ, patriota e ommo politico.
Vitta
A so famiggia a s'ea transfeja a Nissa into 1770; o poæ Domennego Gaibado (1766-1841), originaio de Ciavai, o l'ea proprietaio de 'na tartaña ciammâ Santa Reparata. A moæ Rœuza Raimondi (1776-1852) a l'ea originaia da Lœua, a-o tempo parte da Repubbrica Ligure.
Doppo avei aderîo a-a Giovine Italia e pigiao parte a moti insureçionæ in Italia, o visse di anni (1835-1848) in America, combattendo pe l'indipendença in varri pàixi. Rentrao in Italia, o parteçipò a-o governo provizöio de Milan e, doppo a proclamaçion da Repubbrica Romaña, nonostante i disciddi nasciui co-o Gioxeppe Mazzin circa l'attezamento da tegnî inti confronti di Savoia, o riçevette l'incarego da difeiza de Romma. Sconfito da-i Françeixi, ciammæ in agiutto da-o Pappa c'o l'ea scappao a Gaeta, o fuzzì torna a l'estero (1849).
A-o rientro in Italia (1852) o s'alontanò urteriormente da-e idee do Mazin, acondescendendo a vegnî sostegnitô da monarchia sabaoda pe scin che questa a dimostresse de credde fermamente inta caoza italiaña e assumendo a guidda de l'ezercito sardo contra l'Aostria (1858-59).
Dòppo l'annescion da parte do Piemonte de Lombardïa, Emillia, Toscaña e Romagna, o Gaibado o riaviò o processo d'unificaçion d'Italia, ch'o pàiva êsise bloccao inte l'imposcibilitæ de prende Romma, con l'impreiza di Mille, ch'a consentì de unî o Mezogiorno a-o Piemonte (1860) e quindi de zonze a-a constituçion do Regno d'Italia (1861).
Pe-e sò impreize, inte quæ o dimostrò d'avei no solo de ræe dœutte militæ ma ascì un indiscuttibile acume politico, o Gaibado o l'è consciderao un di ciu gren arteffixi do Risorzimento italian.
Notte
- ↑ L'illustrazione popolare, Fratelli Treves Editori, Milan, 1882.
Voxe corelæ
Atri progetti
Wikimedia Commons a contêgne di files in sce Gioxeppe Gaibado
| Contròllo de outoritæ | VIAF (EN) 100192194 · ISNI (EN) 0000 0001 2145 1298 · SBN (IT) CFIV001869 · LCCN (EN) n79021124 · GND (DE) 118689592 · BNF (FR) cb11904146d (data) · BNE (ES) XX1150475 (data) · NLA (EN) 35113312 · BAV (EN, IT) 495/70786 · CERL (EN) cnp00398238 · NDL (EN, JA) 00620709 · WorldCat Identities (EN) n79-021124 |
|---|