Globuli gianchi

Globuli rosci e globuli gianchi

I Globuli gianchi o leucociti son cellule do sangue: a differensa di globuli rosci son cellule complete, con nuclei e citoplasma. In ta linfa no l'è presente i globuli rosci e se tröva solo leucociti e precisamente linfociti, 14.000/mm³, insemme a rariscimi granulociti.

Descriçion

I leucociti han a caratteristica de esse in grado de attraversâ i capillari sanguigni e razzunze o tesciüo connettivo. In ta speçie umana i globuli gianchi son normalmente da 5.000 a 9000 pe millimetro cübbo de sangue: notevolmente meno di globuli rosci. Ao momento da nascita son 15.000-18.000 pe millimetro cübbo; in situasioin patologiche puemmo avei un aumento di leucociti (se parla de leucocitosi) o unna sö diminusion (leucopenia).

Funsion di globuli gianchi

A differensa di globuli rosci che eserçiten a sö funsion in to sangue circolante, i globuli gianchi agiscen in te o tesciüo connettivo doppo esse sciortî dai capillari. O scistema circolatoio o ghe serve solo pe spostase dove ghe segge besögno.

I granulociti neutrofili han unn-a funsion fondamentale in ti processi infiammatoî: arrivan in ta zona colpîa (da stimoli batterici, chimici, ecc.) e destrüzzen i batteri, fagocitandoli. I monociti intervegnan in seguito, trasformandose in macrofagi unna votta arrivæ in ta zona infiammâ, doppo che a fase acüta de l'infiammasion a l'è finîa. Invece a funsion di granulociti eosinofili a l'è quella da fagocitosi di complesci antigene-anticorpo. I basofili liberen in to sangue eparina, istamina e atre sostanse; pöan avei importansa in te a genexi de çerti eventi patologici (anafilassi). I linfociti intervegnan in ta complessa fisiologia de l'immunitæ, segge attraverso a produsion de anticorpi (linfociti B: immunitæ umorale) che attraverso l'açion da cellula (linfociti T: immunitæ cellulare).

Tipi de globuli gianchi

Se distingue: leucociti no granulæ (Linfociti e monociti) e leucociti granulæ (granulociti neutrofili, acidofili o eosinofili e basofili).

E percentuali di diversci tipi de leucociti in to sangue son e seguenti:

- Granulociti neutrofili 55-70%
- Granulociti eosinofili 2-3%
- Granulociti basofili 0,5-1%
- Linfociti 20-30%
- Monociti 3-8%

Vôxe corelæ

• Presciôn oncotica
• Shock (squilibrio fra i vaxi sanguigni)

Âtri progètti

Altri progetti

• Wikimedia Commons

• Wikimedia Commons a contêgne di files in sce Globuli gianchi