Oslo

ZE	Quésta pàgina a l'é scrîta in zenéize, segóndo a grafîa ofiçiâ

Oslo
Oslo – Veduta O pòrto de Òslo co-o seu muniçìpio
Localizaçión
Stâto	Norvéggia
Divisione 1	Østlandet
Divisione 2	Oslo
Aministraçión
Aministratô locâle	Marianne Borgen (SV) da-o 21/10/2015
Teritöio
Coordinæ:	59°54′48″N 10°44′20″E59°54′48″N, 10°44′20″E (Oslo)
Altitùdine	23 m s.l.m.
Superfìcce	454,13 km²
Abitanti	699 827 (2022)
Denscitæ	1 541,03 ab./km²
Âtre informaçioìn
Léngoe	Norvegéize
CAP	0001–1299
Prefìsso	+47...
Fûzo oràrio	UTC+1
ISO 3166-2	NO-03
Nomme abitanti	(IT) cristianiani, ansloensi; (NO) Osloenser, Oslokvinne/mann
Cartògrafîa
Oslo
Oslo – Mappa
Scîto instituçionâle

Òslo a l'é a capitâle da Norvéggia e a seu çitæ ciù gròssa. A l'é ascì 'na provinsa. Fondâ do 1040 comme Ánslo, a l'é diventâ sêde vescovîle do 1070 e capitâle pe-a primma vòtta do 1300 sotta o rè Haakon V. Apreuvo a-o fæto che a Norvéggia a l'é stæta unîa a-a Danimàrca finn-a a-o 1814 e a-a Sveçia finn-a a-o 1905, a seu inportansa a l'é frazâ, scibén che a-i ténpi de l'unión con a Sveçia a l'avesse a fonçión de co-capitâle.

Òslo a l'é stæta destrûta da 'n gran feugo do 1624, e depoî recostroîa sotta o rè Christian IV, e o l'é pe quello che pe tanti anni a s'é ciamâ Christiania ò de vòtte Kristiania. Con l'indipendensa da-a Sveçia apreuvo a-o referendum do 1905, a çitæ a l'à torna pigiòu a seu denominaçion stòrica de Òslo.

A-a giornâ d'ancheu Òslo a l'é o centro comerciale, politico e bancàrio ciù inportante da Norvéggia, màscime pe o comèrcio marìtimo.

Òslo a l'a 'na popolaçión de ciù de 650 milla abitànti, che arîván a un milion e mêzo contando tùtta a zöna metropolitann-a. A l'é conscidérâ unn-a de mêgio çitæ do mondo pe a qualitæ da vitta. Comme tùtta a Norvéggia a l'é rìchiscima, a l'é unn-a de pöche çitæ a-o mondo a aveighe 'na tàscia giornaliêra pe e màchine e a çitæ con a ciù èrta perçentoâle de màchine életriche. L'universitæ a l'é conosciûa e aprexâ pe a seu qualitæ e "L'Aula" con i quàddri de E. Munch a l'é 'n atraçión mondiâle.

Tùtti i anni o prémio Nobel pe a pâxe o végne asegnòu inte o centro da pâxe "Nobels Fredssenter". Famôza ascì l'é a vêgia fortéssa "Akershus", costruîa do tredicêximo sécolo, che a dòmina a mænn-a.

Âtri progètti

Altri progetti

• Wikimedia Commons

• Wikimedia Commons a contêgne di files in sce Oslo