San Pederburgh

Quel articul chì l'è scrivüü in Lumbard, cun l'urtugrafia insübrica ünificada.

San Pederburgh (Санкт-Петербург/Sankt-Peterburg in rüss; Sankt Petersburg in tudesch; Saint Petersburg in ingles; Saint-Pétersbourg in frances; San Pietroburgo in italian; San Petersburgo in spagnö; Sint-Petersburg in ulandes; São Petersburgo in purtughes) a l’è, cun 4.568.047 abitant (2008), la segunda cità de la Rüssia per pupulaziun e 'l port püssee impurtant.

Geugrafia

San Pederburgh a l'è al nord-ovest de la Rüssia, in sül delta del fiüm Neva, in del toch püssee a est del Golf de la Finlandia.

Storia e nom

La cità l'ha fundada in del 1703 el zar Peder el Grant che'l vureva fala vegnì la növa capital de l'Imperi Rüss. El so nom al vegn de l'ulandes Sankt Piter burkh.
In del 1914, al principi de la Prima Guera Mundiala, la cità a l'è stada ciamada Petrograd (Петроград), perchè el sò nom uriginal al pareva trop tudesch.
In del 1924 l'ha müdaa el nom in Leningrad (Ленинград), in unur del Lenin.
A la fin, in del 1991, l'ha ciapaa anmò el sò prim nom, San Pederburgh.
I sò abitant la ciamen intra de lur Pìter (Питер).