Fanambaràna tamin' i Maria ny hahaterahan' i Jesoa
Ny Fanambaràna tamin' i Maria ny hahaterahan' i Jesoa, araka ny Evanjelin' i Lioka, dia ny fanambaràn' ny arkanjely Gabriela tamin' i Maria fa hitoe-jaza sy hiteraka zazalahy amin' ny fiteraham-birijiny izy ary ho renin' i Jesoa Kristy, ilay Mesia kristiana sy Zanak' Andriamanitra, izay manamarika ny fahatongavana ho nofo. Nilaza tamin' i Maria i Gabriela mba hanao ny anaran' ny zanany lahy hoe Jesoa. Atao hoe annuntiatio ("fanambaràna") izany amin' ny teny latina fa Ο Ευαγγελισμός της Θεοτόκου / O Euangelismos tês Theotokou kosa amin' ny teny grika. Araka ny Lioka 1:26 dia nitranga "tamin' ny volana fahenina" nitondran' i Elizabeta vohoka an’ i Joany Mpanao Batisa ilay Fanambàrana. Kristiana maro no mankalaza an' izany zava-nitranga izany amin' ny Fetin' ny Fanambaràna amin' ny 25 Marsa, tombanana sivy volana feno alohan' ny Krismasy na Noely, izay fankalazana ny fahaterahan' i Jesoa.