Faritany
Ny faritany dia, fari-piadidiana, fizaràna ara-pitantanana, fitambaran-tanàna na faritra maromaro ao anatin' ny firenena na fanjakana iray, mety manana ny fizakan-tenany ara-pitantanana sady voafaritra araka ny toetra ifandraisan' ireo tanàna sy faritra ireo, toy ny toetrandro, ny toekarena (fambolena, fiompiana, sns) sy ny maro hafa.
Io teny malagasy hoe faritany io no andikana ny teny frantsay hoe province. Avy amin' ny teny latina hoe provincia, izay foronin' ny tovona hoe pro- ("ho ana") sy ny fototeny hoe vincere ("mamatotra") ny teny hoe province. Misy ny milaza fa midika hoe "mandresy" ny teny latina hoe vincere. Fizaràm-paritra tao amin' ny Repoblika Rômana, avy eo tao amin' ny Empira Rômana amin' ny tany any ivelan' i Italia ny provincia.
Karazana faritany
[hanova | hanova ny fango]Faritany manam-piandrianana ao amin' ny fanjakana federaly
[hanova | hanova ny fango]Ao amin' ny fanjakana federaly fehezina araka ny federalisma dia misy ny lamina ara-pitsarana ifotony ao amin' ny federasiôna izay mizaka tena amin' ny lafiny lalàmpanorenana sady manana ny fiandrianan' ny antenimieram-paritany manokana araka ny fitsinjarana ny fahefana (ohatra: ny faritany any Kanada na ny fanjakana tsirairay any Etazonia).
Faritany tsy manam-piandrianana ao amin' ny firenena
[hanova | hanova ny fango]Amin' ny firenena tsy fehezin' ny federalisma dia ampiasaina koa ny teny hoe faritany mba hanondroana ny fizaràna ara-pitantanan-draharaham-panjakana tsy manana fizakan-tena manokana mitaha amin' ny fianjakana foibe (ohatra: ny faritany any Sina na faritany eto Madagasikara). Ity karazana faritany iray ity no tena betsaka maneran-tany.
Faritany tsy manam-piandrianana ao amin' ny fanjakana federaly
[hanova | hanova ny fango]Ny firenena sasany dia mety lazaina hoe fanjakana federaly nefa tsy manome ny governemanta isan-toerana ny anjara fahefana tokony ho azy araka ny lalàmpanorenana federaly, hany ka ny faritany ao amin' ireo firenena ireo dia toy ny fitsinjaram-paritra ho an' ny fitantanan-draharaham-panjakana. Federasiôna tsy misy federalisma izany.