Gmail

Gmail adolah layanan surek elektronik punyo Google.[] Pangguno dapek mangakses Gmail kadalam bantuak surek web HTTPS,[] protokol POP2 atau IMAP4.[][] Gmail diluncua'an mangunoan sistem undangan dalam bantuak Beta pado 1 April 2004,[] jo tasadio untuak umum pado 7 Februari 2007 meski masih dalam status Beta.[] Basamo kasaluruahan produk Google Apps, layanan iko indak bastatus Beta katiko 7 Juli 2009.[][]

Gmail partamo kali maagiah kapasitas panyimpanan sagadang 1 GB per pangguno, Gmail barasil maningkekan standar panyimpanan gratih untuak surek web dari nan hanyo 2-4 MB nan diagiah dek pesaingnyo pado wakatu itu.[] Pasan pribadi, tamasuak lampiran, dibatehi hinggo 25 MB,[] labiah gadang daripado layanan surek web lainnyo. Gmail mampunyoi antarmuko nan baorientasi pancarian jo "tampilan percakapan" nan mirip jo forum internet. Sajumlah pangambang web mangakui Gmail iolah layanan partamo nan mamakai pamrograman Ajax.[] Gmail baoperasi jo Google GFE/2.0 di Linux,[][][] per Juni 2012. Gmail adolah layanan surek elektronik basandi web tagadang jo 425 juta pangguno nan aktif saluruah dunia.[][]