Urang Damal
| Suku Damal Damal-me |
|---|
| Jumlah populasi |
|
2009: kurang lebih 30.000 Jiwa. |
| Kawasan bapopulasi cukuik banyak |
| Indonesia:
Papua Tengah: 30.000 Jiwa |
| Bahaso |
| bahasa Uhunduni (Damal-kal) |
| Agamo |
| Mayoritas Kristen Protestan dan Katolik, namun ada sedikit yang beragama Islam, Animisme, Animatisme, Dinamisme dan Totem |
| Kalompok etnik takaik |
| Suku Amungme, Suku Dani, Suku Yali, Suku Lani dan Suku Moni. |
Urang Damal atau Damalme adolah suatu kalompok etnis atau suku bangso yang barasa dari wilayah pegunuangan daerah Nabire di Provinsi Papua Tengah, Indonesia. Bahaso Damal adolah media komunikasi antaro sasamo etnis Damal. Suku iko mampunyoi hubuangan jo Suku Amungme.
Etnis Damal pado zaman dahulu alah mamasak makanan mamakai api. Api dibuek jo “Hagan” yaitu kayu ketek karing yang dibalah tangah jo manggunokan tali rotan yang kariang, tali rotan di kapik jo kayu kariang yang tangahnyo dibalah tu, sudah tu ka duo ujuang tali rotannyo di elo tarui manarui hinggo gesekan antaro tali rotan jo kayu mulai angek, kamudian angek kayu tu mangaluarkan asok sampai tali rotan tu putui dan mangaluakan api.[1]
Sijarah
[suntiang | suntiang sumber]Menuruik lagenda urang Damal barasa dari daerah ‘Mepingama’ ngarai Baliem Wamena. Hal iko dapek di talusuri dari kato ‘kurima’ yang artinyo tampet partamo kali nenek moyang urang Damal bakumpua dan 'Hitigima’ yang bararti nenek moyang urang Damal partamo kali mandirikan honai dari alang-alang.
Honai marupokan rumah adaik suku damal sacaro turun-tamurun sampai kini. Honai yang tabuek dari alang-alang iki bararti bukan sagalonyo dari alang-alang malainkan atoknyo sajo yang dari alang-alang, kalau yang lain sagalonyo dari kayu-kayu tatantu yang biso batahan hinggo puluahan tahun lamonyo.
Dari tampek kurima ikolah pandiri babagai suku tingga, dari siko urang tu maninggakan kurima surang demi surang manuju ka arah barat. Urang Mee partamo kali kalua dari daerah iki, diikuti oleh suku ‘Moni’ sasudah tu suku Damal jo suku Dani. Urang Damal Masuak ka Daerah Ilaga jo Beoga Urang Damal mulai masuak ka daerah Ilop yang kini disabuik Ilaga jo Beoga. Daerah Beoga iko marupokan pusaiknyo suku Damal, urang tu mandiami daerah di sapanjang batang aia Beogong dari hilia sampai ka hulu.
Dari daerah Beoga jo Ilaga ikolah rang Damal kamudian manyebar ka Jila, Alama, Bella, Stinga, Hoeya, Temabagapura (kampuang Waa), Aroanop, Timika, jo Agimuga. Daerah-daerah iki sacaro turun-tamurun urang tu hiduik manatap.[1]
Demografi
[suntiang | suntiang sumber]Panduduak asli daerah Ilaga jo Beoga adolah urang Damal. Pambagian menuruik marga Damal yang mampunyoi hak ulayat di daerah Ilaga adolah marga Magai yang manduduaki daerah mulai dari kali Kungnomun sampai ka Owinomun.
Marga Alom menduduaki daerah mulai dari Namungku Wanin sampai kaTowengki. Marga Murib (mom) menduduaki daerah Towengki jo bagian muaro kali Ilogong di duduaki oleh Hagabal, Dang, dan Dewelek. Mulai dari Tagaloan sampai ka kelebet di duduaki oleh marga Kiwak. Daerah yang pertamo kali di huni Urang Damal adolah Ilaga jo Beoga yang marupokan pusaik pakambangan Urang Damal.
Salain itu Suku Damal manganuik sistem exogamous meioties dimano masyarakaik Damal tabagi manjadi duo kalompok sosial atau masyarakaik yang disabuik jo meioty (bahasa inggris) yang banamo Magaij dan Mom, indak ado pabeda status sosial takaik kalompok Magaij jo Mom, tapi anggota Magaij harus manikah jo anggota Mom kamudian baitu sabaliknyo, dilarang untuak manikahi sasamo anggota kalompok yang samo. Dalam ciek kalompok meioty tadiri dari babarapo suku yang bamarga samo mode suku Awom, Wakerokwa, dan sabagainyo. Di Beoga pun tadapek 37 suku sadangkan di Ilaga tadapek 8 suku. [1]
Sistem kapamimpinan dalam masyarakaik Damal dipimpin oleh Nagwan ( nagawan) yang bana harus ahli dalam bidang ekonomi samo paladangan, taranak kondiak, jo manggaleh kulik karang atau kerang (bia). Pamimpin di harokan mampunyoi sipaik atau sifat darmawan (alapme), barani jo pandai dalam mangecek untuak mamimpin dalam baparang.[1]
Masyarakaik Damal basatu jo alam, urang tu sulik untuak marantau ka daerah suku kaluargo lainnyo. Urang tu sangaik mancintoi daerahnyo sabagai pambarian sang pancipta yang balimpah jo kakayoan alam yang baitu subur, dan manyimpan mutiara kahidupan.
Gunuang-gunuang jo ngarai-ngarai manyimpan kakayoan alam sarupo tambang, ameh, perak, tambago, minyak bumi, kayu gaharu, hewan-hewan samo tumbuah-tumbuahan. Alam tampek tingga urang tu manyadiokan babagai bahan sandang jo pangan untuak manyambung kahidupannyo.
Urang Damal pacayo kalau inyo adolah katurunan partama dari anak suluang nenek moyang bangso manusia. urang tu hiduik di sabala utara jo salatan pagunuangan kartens dan juo di sapanjang sungai Nogolonogong (Mambramo).
Dari suku Damal iko tapacah manjadi duo suku bangso, yaitu yang partamo adolah suku Damal yang iduik dan batempak tingga di kabupaten Puncak Papua, Ilaga jo Beoga, yang kaduo adolah suku Amungme yang iduik dan batampek tingga di kabupaten Mimika, dan anak sukunyo adolah suku Delem yang iduik dan batampek tingga di sapanjang sungai Mambramo.
Urang ko hanyo ciek suku dan ciek nenek moyang tapi ciek jo lain hal urang ko tapacah. Suku Delem jo Amungme adolah anak suku dari suku Damal. sabananyo suku Delem iko gabuangan dari tigo suku, yaitu suku Damal, suku Dani, jo suku Wonno.
Pado taun 2016 nan lalu pacah parang antaro suku Damal jo suku Dani, dikaranokan dandam dan pamasalahan parang maso lalu yang mambuek surang anggota suku Damal Luko.[2]
Sistim kakarabatan
[suntiang | suntiang sumber]Urang Damal dalam Sistim kekerabatan manganuik sistim Patrilineal, yang mano urang damal mangakui samo mamparituangkan hubungan kerabat dari garih katurunan pihak laki-laki sajo.[1] Masyarakaik Damal juo manggunakan sistim Paroh-masyarakaik, yang biaso di kenal jo sistim moiety. Paroh masyarakaik Damal ko masiang-masiang banamo Mom jo Magaij, dengan baitu sagalo masyarakaik Damal dibagi manjadi duo Paroh masyarakaik, satiok urang manjadi anggota Mom atau Magaij.
Pambagian iko indak dasarkan ka pambagian politik, tapi di bagi untuak manantuan sistim panikahan, artiannyo satiok anggota harus mancari calon atau pasangan untuak manikah dari Paroh yang babeda, anggota Paroh Mom harus kawin jo Paroh Magaij dan indak buliah kawin sasamo Paroh. Adaik iko di kenal juo dengan istilah Exogamous Moieties.
Rujuakan
[suntiang | suntiang sumber]
- ↑ a b c d e Melalatoa, M.J. (1995) (dalam bahaso id). Ensiklopedi suku bangsa di Indonesia: A-K. Ensiklopedi suku bangsa di Indonesia. Departemen Pendidikan dan Kebudayaan RI. pp. 216–217. https://books.google.com/books?id=sU4OAQAAMAAJ. Diakses pado 16 Januari 2023.
- ↑ Saiman. "Perang Antara Suku Damal dan Dani". tv (dalam bahasa Indonesia). Diakses tanggal 2023-01-16.