അറുപത്തിമൂവർ

ഇംഗ്ലീഷ് വിലാസം

https://ml.wikipedia.org/wiki/Nayanars

ശിവഭക്തന്മാരായി ദക്ഷിണാപഥത്തിൽ പ്രാചീനകാലത്തുണ്ടായിരുന്ന അറുപത്തിമൂന്ന് വ്യക്തികൾ. ഇവർ അനേകം വിശിഷ്ട ഗാനങ്ങൾ രചിച്ചിട്ടുണ്ട്. ഇവരിൽ പ്രധാനികൾ തിരുജ്ഞാനസംബന്ധർ, തിരുനാവുക്കരശർ, സുന്ദരമുർത്തി എന്നിങ്ങനെ മൂന്നുപേരാണ്‌. തമിഴ് ഭക്തകവിയായിരുന്ന നന്ദനാരും അറുപത്തിമൂവരിൽ ഒരാളാണ്.

ഇവരുടെ പേരുകൾ ആദ്യം എഴുതിയത് സുന്ദരമുർത്തി ആയിരുന്നുവത്രെ. അദ്ദേഹം തിരുത്തൊണ്ടത്തൊകൈ എന്ന കൃതിയിൽ കാരയ്ക്കലമ്മ വരെയുള്ള ശിവഭക്തന്മാരെ കുറിച്ച് സൂചിപ്പിച്ചിട്ടുണ്ട്. പിന്നീട് രാജരാജചോളൻ ഒന്നാമന്റെ കാലഘട്ടത്തിൽ ഒരു ക്ഷേത്രത്തിലെ പൂജാരിയായിരുന്ന നമ്പിയാണ്ടാർ നമ്പി അത് വിപുലപ്പെടുത്തി. ഈ ഗ്രന്ഥത്തിൽ അറുപത്തിമൂവരെ കുറിച്ചുള്ള കഥകൾ ഉണ്ട്. പിന്നീട് സേക്കിയാർ  എഴുതിയ പെരിയ പുരാണം കൂടി കൂട്ടിച്ചേർത്തു. ഇതെല്ലാം കൂടി വിശുദ്ധഗ്രന്ഥം എന്ന നിലയിൽ തിരുമുറൈ എന്ന് അറിയപ്പെടുന്നു.

അവലംബം

കടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർ‌വ്വവിജ്ഞാനകോശത്തിലെ നായനാർമാർ എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്ക് പകർത്തിയതിന് ശേഷം പ്രസ്തുത ഉള്ളടക്കത്തിന് സാരമായ മാറ്റങ്ങൾ വന്നിട്ടുണ്ടാകാം.