Gobierno
L gobierno ye la ourganizaçon, que ye outoridade gobernante dua ounidade política, l poder de regrar ua sociadade política, i l aparato pul qual l cuorpo gobernante funciona i eiserce outoridade. Gobierno nun eisige que le corresponda un stado cumo ls Trobriandeses studados por Bronislaw Malinowski.
Stados de granduras defrentes puoden tener bários nibles de gobierno: local, regional i nacional.
La palabra gobierno ye subretodo ousada pa le dar nome al ourganismo mássima de l admenistraçon eisecutiba, giralmente recoincido cumo la liderança dun Stado ou ua nacion. Normalmente chama-se l gobierno ou gabinete al cunjunto de derigentes eisecutibos de l Stado, ou menistros (por esso, tamien se chama Cunceilho de Menistros). Assi i todo, hai países cumo l Reino Ounido que ten Xefe de Stado i Xefe de Gobierno respetibamente la Reina Elizabeth II i l Purmeiro Menistro Gordon Brown. Neste caso la reina ye xefe de stado de bários países nembros da Commonwealth
La forma ou regime de gobierno puode ser República ou Monarquie, i l sistema de gobierno puode ser Parlamentarismo, Persidencialismo, Custitucionalismo ou Abselutismo. Ua nacion sien Gobierno ye classeficada cumo anárquico. Ber mais an Política.
Puode-se dezir que forma de gobierno ye un cunceito que diç respeito al modo cumo se dá la anstituiçon de l poder na sociadade i cumo se dá la relaçon antre gobernantes i gobernados.
Sistema de gobierno, por outro lhado, nun se cunfunde cula forma de gobierno, puis este termo diç respeito al modo cumo se relaciónan ls poderes.
Tipos de gobierno
[eiditar | eiditar código-fuonte]- Anarquismo - falta de gobierno
- Democracie - poder puosto pul pobo. Puode ser dibedida inda an democracie repersentatiba adonde l pobo delega ls sous poderes por meio de eileiçones; democracie direta adonde l pobo eiserce diretamente l poder.
- Despotismo - gobierno dun xefe recoincido pula populaçon cumo salbador carismático.
- Ditadura - gobierno dun líder recoincido pula populaçon cumo repressor.
- Monarquie - gobierno assente nua hardança.
- Oligarquie - gobierno dun pequeinho grupo político que cumparte antresses ou relaçones familiares.
- Plutocracie - gobierno de pessonas ricas.
- Teocracie - gobierno dun stado religioso ou ourientado por balores sclusibos dua relegion.