Mass média

Comunicação
Tipos Social Massa Interpessoal Intrapessoal Verbal Não verbal Visual Audiovisual Segmentada Redes Ciberespacial Não violenta
Meios Cartaz Cinema Correio Fanzine Internet Jornal Livro Outdoor Outbus Panfleto Podcast Banda desenhada Rádio Revista Televisão Vídeo
Profissões Assessoria Design gráfico Editoração Jornalismo Produção audiovisual Produção cultural Produção editorial Publicidade Radialismo Relações públicas Roteiro
Disciplinas Análise do discurso Análise de conteúdo Cibercultura Dialética Economia da informação Estudos culturais Hermenêutica Linguística Marketing Memética Retórica Semiótica Teoria da comunicação Teoria das mediações Teoria da propaganda
Conceitos Agendamento Audiência Censura Ciberespaço Cultura Cultura de massa Espiral do silêncio Evento midiático Imagem Imprensa Indústria cultural Informação Interatividade Linguagem Meios de comunicação social Propaganda Signo Símbolo Texto Veículos
Elementos Canal Código Contexto Emissor Feedback Meio Mensagem Processo Receptor Repertório Ruído
Temas e Questões Convergência tecnológica Democratização da comunicação Fluxo de informação Grande mídia Imperialismo cultural Inclusão digital Mídia alternativa Mídia independente Sociedade da informação Pós-modernidade
Tecnologia Animação Ethernet Hipermídia Máquina de escrever Microfone Novas tecnologias de informação Podcasting Radiodifusão Radiotelefonia Satélite Telecomunicações Teledifusão Telefonia Telegrafia Videocassete
Escolas Estruturalismo Escola de Frankfurt Instituto de Pesquisa Mental de Palo Alto Teoria funcionalista UNESCO
Categoria

La palabra "meio de quemunicaçon" refire-se al strumiento ó a la forma de cuntenido outelizados pa la rializaçon de l porcesso quemunicacional. Quando referido la quemunicaçon de massa, puode ser cunsiderado sinónimo de média. Antretanto, outros meios de quemunicaçon, cumo l telifone, nun son massibos i si andebiduales (ó anterpessonales) .

• Sonoro: telifone, rádio.
• Scrita: jornales, diários i rebistas.
• Audiobisual: telbison, cinema.
• Multimédia: dibersos meios a la par.
• Hipermédia: NTICs, CD-ROM, Telbison digital i anternete, que aplica la multimédia (dibersos meios a la par, cumo scrita i audiobisual) an cunjunto cula hipertestualidade (caminos nó-lineares de leitura de l testo).

Média

La palabra ben de l latin "média", plural de "medium", i que quier dezir "aquel que stá a meio".

Meios de quemunicaçon de massa

Ber artigo percipal: Quemunicaçon de massa

La outelizaçon de l meios de quemunicaçon de massa amplica Ourganizaçones giralmente amplas, cumplexas, cun grande númaro de porfessionales i stensa debison de l trabalho. La ampresa jornalística ambuolbe l trabalho de diretores, jornalistas, redatores, retratista, diagramadores, eilustradores, cámeras, gráficos etc. L fato de la manutençon dun uorgano de quemunicaçon de massa ser bastante custosa faç cun que essas ampresas depéndan de l amperatibos de cunsumo (mássima circulaçon, ne l causo de lhibros i filmes; garantie de audiéncia i benda de publecidade, ne l causo de l jornales, rebistas, rádio i telbison) para subrebibir ó se spandir.

Ua segunda caratelística básica de ls meios de quemunicaçon de massa ye l fato de que eilhes ampréguan máquinas na mediaçon de la quemunicaçon: apareilhos i çpositibos macánicos, eilétricos i eiletrónicos possiblítan l registro permaniente i la multeplicaçon de las mensaiges ampressas (jornal, rebistas, libro) ó grabadas (çco, rádio) an milhares ó milhones de cópias. La porduçon, transmisson i recepçon de las mensaiges audiobisuales (rádio, TB) percisa de milhares ó milhones de apareilhos recetores.

Outra caratelística típica de ls meios de quemunicaçon de massa ye la possiblidade que aperséntan de atingir a la par ua basta audiéncia, ó, drento de brebe período de tiempo, cientos de milhares de oubintes, de telespetadores, de leitores. Essa audiéncia, para alhá de heitereogénea i geograficamiente çpersa, ye, por definiçon, custituída por nembros anónimos pa la fuonte, inda que la mensaige steia derigida specificamiente para ua cacho detreminado de público (un solo sexo, ua determinada geraçon).

Meio i Canhal

Meio de Quemunicaçon nun se cunfunde cun canhal, que se refire al aparato tecnológico outelizado pa rializar l porcesso de la quemunicaçon, ancluindo la trasmisson de anformaçon (giralmente, eideias houmanas). Dependendo de las caratelísticas de l meio outelizado, puode-se trasmitir ó armazenar anformaçon, ó ambos ls porcessos.

Por eisemplo:

• Fala, çcurso, géstios, telifone
• Stone scores, grabaçones de áudio i bídeo, discos rígidos
• Papel, cartas
• Meios de Quemunicaçon de Massa: pronunciamentos, jornales, rebistas, cinema, telbison, rádio, websites, CDs, DVDs, cassete de bídeos
• Média anteratiba: jogos de cumputador, jogos an lhinha, jogos de cumputador, Jogos eiducatibos, telebison anteratiba
• La Anternete ye ua mistura antre Quemunicaçon de Massa i Quemunicaçon Anterpessonal
• An Arte, un meio quier dezir l material i l suporte ousados pul artista: pintura, madeira, mármore, aço, etc.

Por metonímia, la andústria de las ampresas que pordúzen cunteúdo de amboras i de antretenimiento son giralmente chamadas "la média"(de l mesmo modo cumo la andústria de amboras ye chamada "la amprensa"). Na final de l seclo XX, tornou-se lugar quemun este uso ne l singular ("La média ye...") an lugar de l tradecional plural; an Pertual, nun oustante, ye preferido l termo ne l plural, ls média (recordando la ourige latina de l termo).

Marshall McLuhan fui pesquisador famoso por tener dezido (antre outras cousas), "L meio ye la mensaige".

Eiboluçon stórica

Para alguns, ls purmeiros meios de quemunicaçon de massa fúrun ls libros (principalmente didáticos), que eisisten hai mui tiempo. Mas, normalmente, la difuson de la média se dou ne l seclo passado. An tal período nun habie la eideia de que la difuson de la anformaçon de la parte de la média deberie acuntecer an tiempo rial, mas que deberie haber un anterbalo de tiempo lhemitado antre la eimisson de la mensaige i la sue recepçon.

Ne l curso de l seclo XX, l zambolbimiento i l alhargamiento de ls meios de quemunicaçon de massa seguírun l progresso científico i tecnológico. De fato, ls meios, para alhá de séren meios para beicular las anformaçones, son tamien ls oubjetos tecnológicos que l outelizador anteraige.

L abanço de la tecnologie deixou la reproduçon an grande cantidade de materiales anformatibos a baixo custo. Las tecnologies de reporduçon física, cumo la amprensa, la grabaçon de discos de música i la reporduçon de filmes seguírun la reporduçon de libros, jornales i filmes a baixo précio para un público alhargado. Pula purmeira beç, la telbison i la rádio deixórun la reproduçon eiletrónica de anformaçones.

Ls meios éran (pul menos na ourige) baseados na eiquenomie de reporduçon lhinear: neste modelo, un obra percura render an modo proporcional al númaro de cópias bendidas, anquanto al crecer l belume de produçon, ls custos ounitários deminuírun, oumentando la marge de lucro. Grandes fertunas son debidas a la andústria de la média.

Se, einicialmente, la palabra "meios de quemunicaçon de massa" se referie basicamiente a jornales, rádio i telbisones, na final de l seclo XX la anternete tamien antrou fuortemente ne l setor. Para alguns, tamien ls Telemobles yá puoden ser cunsidrados un Média.

Grupos de Média

An Pertual

• Média Capital
• Lusomundo (grupo ZON Multimédia)
• Ampresa
• Rádio i Telbison de Pertual
• Cofina

An outros países

• Time Warner - anclui la rebista Time i ls stúdios Warner Brothers
• News Corp - propiedade de Rupert Murdoch, anclui The Times i la TB Fox
• Turner - propiedade de Ted Turner, anclui la CNN i l Carton Network
• Disney - propiedade de Michael Eisner, anclui la TB ABC

Refréncias bibliográficas

• GREGOLIN, Rosário. "Çcurso i média: la cultura de l spetaclo". San Carlos: Eiditora Claraluç, 2004.
• CONTRERA, Malena. Midie i Pánico: saturaçon de la anformaçon, bioléncia i crise cultural, San Paulo: Annablume.
• COSTA, Cristina. Fiçones, Cultura i Médias, San Paulo: Senac-SP.
• DIZARD JR., Wilson. La Nuoba Média, Riu de Janeiro: Ourge Zahar, 2000.
• DORNELLES, Beatriç. Média, Amprensa i las Nuobas Tecnologies, Porto Alegre: EidiPUC-RS.
• HAUSSEN, Dóris Fagundes. Média, Eimaige i Cultura, Porto Alegre, EidiPUC-RS.
• RUBIM, António Albino Canielhas (org.). Eidade Média, Salbador: EDUFBA.
• WEBER, Marie Heilena. Quemunicaçon i Spetaclos de la Política, Porto Alegre: EdUFRGS, 2000.

Tópicos Relacionados

• Média Andependiente
• Média Corporatiba
• Canhal
• Hipermédia

Lhigaçones Sternas

• The Media: Carriers of Contagious Information Arquibado an 2007-10-29 ne l Wayback Machine.