Zwärte Meer

't Zwärte Meer is een meer dat ontstaon is bi'j de inpoldering van de Noordoostpolder. 't Zwärte Meer bestet grotendiels uut open wäter. Langes de oever en rond 't Vogeleilaand bin op sommigen plekken brede rietkragen te vienen. 't Zwärte Meer is as vri'j ondiep te typeren. Buten de vaorgeulen die deur de skeepvaort gebruukt wörren is 't meer niet dieper as 1 tot 2 meter.

Natuurmonumenten

't Zwärte Meer wördt be-eerd deur de verienige Natuurmonumenten. Disse verienige ef ier voedselrieke oeverlanen waor vogels in de zomer kunnen verblieven. Disse voedselarme gröslanen wörren begreesd en emaaid deur eur um de zeldzame kieftsbloeme te be-ollen. In de rietlanen bruden ruurdomp, brune kiekendief, grote karekiet en purperreiger. 't Riet wördt iens per jaor deur Netuurmonementen emaaid, zodat 't stärk genog blift um der nesten te bouwen.