Dia (Maand)
Dia (ok Jupiter LIII) is een vun de lütten Maanden vun’n Jupiter.
Opdecken un Naam
[ännern | Bornkood ännern]De Maand weer an’n 5. Dezember 2000 vun de Astronomen Scott S. Sheppard, David C. Jewitt, Yanga R. Fernández un Eugene A. Magnier opdeckt un kreeg de vörlöpige Beteken S/2000 J 11. Dorna künn de Maand aver lange Tiet nich wedder funnen warrn[1] un gell dorüm as verloren. Eerst in’n September 2012 is publiek maakt worrn, dat de Maand wedder opdeckt worrn is[2]. Sien offiziellen Naam hett de Maand an’n 7. März 2015 kregen. Nöömt is he nu na Dia, de in de mykenischenen Mythologie as Fro so veel as Zeus dorstellen deit. In de greekschen Mythologie is Dia de Ehfro vun Ixion.
Ümloopbahn
[ännern | Bornkood ännern]Dia kreist in en middleren Afstand vun 12.174.000 km üm Jupiter un bruukt dorför ruchweg 274 Daag un 10 Stünnen. De Ümloopbahn wiest en Exzentrizität vun 0,21 op un is üm 28,3° gegen de öörtliche Laplace-Even neegt, de ruchweg mit de Bahneven vun’n Jupiter tosamenfallen deit. Wegen ehr Bahnegenschoppen warrt Dia to de Himalia-Grupp tellt, de na den Maand Himalia betekent is.
Egenschoppen
[ännern | Bornkood ännern]Dia hett en Dörmeter vun üm un bi 4 km. Ehr Dicht warrt op 2,6 g/cm³ schätzt, wat dorop sluten lett, dat de Maand vör allen ut Silikat-Steen besteiht. Mit en Albedo vun 0,04 wiest Dia en bannig düstere Böverflach op – blots 4 % vun dat Licht, dat ankummt, warrt ok wedder torüchstrahlt. Ehr schienbore Helligkeit liggt bi 22,4m.
Weblenken
[ännern | Bornkood ännern]- Satellites of Jupiter (Opdecken); 5. Januar 2001
Borns
[ännern | Bornkood ännern]- ↑ Grav et al. "Photometric survey of the irregular satellites", Icarus, Volume 166, Issue 1
- ↑ MPEC 2012-R22: S/2000 J 11
Nöömt:
Adrastea |
Aitne |
Amalthea |
Ananke |
Aoede |
Arche |
Autonoe |
Callirrhoe |
Carme |
Carpo |
Chaldene |
Cyllene |
Dia |
Eirene |
Elara |
Erinome |
Ersa |
Euanthe |
Eukelade |
Eupheme |
Euporie |
Europa |
Eurydome |
Ganymed |
Harpalyke |
Hegemone |
Helike |
Hermippe |
Herse |
Himalia |
Io |
Iocaste |
Isonoe |
Kale |
Kallichore |
Kallisto |
Kalyke |
Kore |
Leda |
Lysithea |
Megaclite |
Metis |
Mneme |
Orthosie |
Pandia |
Pasiphae |
Pasithee |
Philophrosyne |
Praxidike |
Sinope |
Sponde |
Taygete |
Thebe |
Thelxinoe |
Themisto |
Thyone |
Valetudo
Ahn Naam:
S/2003 J 2 |
S/2003 J 4 |
S/2003 J 9 |
S/2003 J 10 |
S/2003 J 12 |
S/2003 J 16 |
S/2003 J 18 |
S/2003 J 19 |
S/2003 J 23 |
S/2010 J 1 |
S/2010 J 2 |
S/2011 J 1 |
S/2011 J 2 |
S/2016 J 1 |
S/2017 J 1 |
S/2017 J 2 |
S/2017 J 3 |
S/2017 J 5 |
S/2017 J 6 |
S/2017 J 7 |
S/2017 J 8 |
S/2017 J 9
Koppels:
Amalthea-Grupp |
Galileische Maanden |
Himalia-Grupp |
Ananke-Grupp |
Carme-Grupp |
Pasiphae-Grupp
Kiek ok na bi: List von de Jupiter-Maanden