Didier Queloz
Didier Patrick Queloz (* 23. Februar 1966) is en Swiezer Astronom. Gemeensam mit Michel Mayor hett he 1995 den rersten extrasolaren Planeten, de um en sünnenähnlichen Steern kreist (51 Pegasi b) opdeckt. Dorför kreegen de beid 2019 den Nobelpries för Physik tospraaken.
Leven
[ännern | Bornkood ännern]Didier Queloz hett en Physik-Studium an de Universität Genf 1990 mit en Master afslooten un hett dor 1995 sien Doktertitel (Ph.D.) bi Michel Mayor in Astronomie maakt. He is siet 2013 Perfesser för Physik an dat Cavendish-Laboratorium vun de Universität Cambridge un an de Universität Genf.
Dat Opdecken vun den extrasolaren Planeten, gemeensam mit Michel Mayor, foot up Meeten vun de Radialgeschwindigkeit nah den Dopplereffekt, de eerst funnen Planet harr en Umloopgeschwindigkeit vun 4,2 Daag. An‘n 23. Juli 2015 geev Queloz bi de NASA de eerst Opdecken vun en eerähnlichen Planeten, Kepler-452b, bekannt. Disse wurr ok as „zweite Erde“ oder „älterer Cousin der Erde“ betekent.
He weer 1995 an dat Opdecken vun den eersten extrasolaren Planeten in en Orbit um en sünnenähnlichen Steern bedeeligt – 51 Pegasi b.[1]
Siet 2013 hett Thomson Reuters Queloz wegen de Tall vun sien Zitatschonen to de Favoriten up en Nobelpries tellt (Thomson Reuters Citation Laureates).[2] 2019 kreeg he den denn ok.
Utteknungen un Ehrungen
[ännern | Bornkood ännern]- 1996 Balzers-Pries vun de Swiezerische Physikalisch Sellschopp[3]
- 1996 Internatschoonale Astronomische Union (IAU) Ehrenmedaille
- 2009 Naamgever för den Asteroiden (177415) Queloz[4]
- 2011 BBVA Foundation Frontiers of Knowledge Award
- 2017 Wolf Prize in Physik
- 2019 Nobelpries för Physik
Weblinks
[ännern | Bornkood ännern]
Enkeld Nahwiesen
[ännern | Bornkood ännern]- ↑ Mayor, Queloz: A Jupiter-mass companion to a solar-type star, Nature, Band 378, 1995, S. 355–359;
- ↑ 2013 Predictions bii Thomson Reuters (sciencewatch.com); afropen an’n 25. September 2013
- ↑ SPG Preise 1991–2005, sps.ch
- ↑ Minor Planet Circ. 66244